ഉറക്കത്തിലൂടെ നമ്മുടെ ശരീരം പൂർണ്ണമായും റീചാർജ് ചെയ്യപ്പെടുകയും നമുക്ക് കൂടുതല്‍ ഉന്മേഷം ലഭിക്കുകയും ചെയ്യുന്നു.
പതിവായി ഉറക്കം നഷ്ടപ്പെടുത്തുന്നത് പലവിധ ആരോഗ്യ പ്രശ്നങ്ങളും സൃഷ്ടിക്കും.
വേണ്ടത്ര ഉറങ്ങിയില്ല എങ്കില്‍ അത് ബാധിക്കുന്നത് നമ്മുടെ തലച്ചോറിനെയാണ്. ഓര്‍മ്മശക്തി കുറയുക, ചിന്താശേഷിയില്‍ മങ്ങല്‍, ശ്രദ്ധക്കുറവ് എന്നിങ്ങനെ പല പ്രശ്നങ്ങളും ഉണ്ടാകാം.
മൂഡ് പ്രശ്നങ്ങള്‍, മുൻകോപം, വിഷാദം, ഉത്കണ്ഠ എന്നിങ്ങനെയുള്ള മാനസികാരോഗ്യപ്രശ്നങ്ങളെല്ലാം ഉറക്കക്കുറവ് കൊണ്ട് നേരിടുന്നുവര്‍ നിരവധിയാണ്.
ഉറക്കം കുറയുന്നത് നമ്മുടെ രോഗപ്രതിരോധശേഷിയേയും കാര്യമായി ബാധിക്കാം. പ്രതിരോധശേഷി കുറയുന്നതോടെ പലവിധ രോഗങ്ങളും അണുബാധകളുമെല്ലാം ബാധിക്കാം.
ശരിയാം വിധം രാത്രിയില്‍ ഉറങ്ങിയില്ലെങ്കില്‍ പലരിലും അത് ശരീരഭാരം വര്‍ദ്ധിപ്പിക്കാന്‍ ഇടയാക്കും.
ഉറക്കം കുറയുന്നത് നമ്മുടെ ശരീരത്തിലെ ഹോര്‍മോണുകളുടെ ബാലൻസ് തെറ്റാന്‍ ഇടയാക്കുന്നു.
മുഖത്ത് ഡാര്‍ക്ക് സര്‍ക്കിള്‍സ്, സ്കിൻ മങ്ങിയതായി കാണുക, മുഖക്കുരു, അധികം പ്രായം തോന്നിക്കുക തുടങ്ങി പലവിധ പ്രശ്നങ്ങളാണ് ഉറക്കക്കുറവ് മൂലമുണ്ടാവുക.