മഴക്കാലത്ത് ശരീരത്തെ സംരക്ഷിക്കാൻ ഏറ്റവും ലളിതമായ വഴിയാണ് ആരോഗ്യമുള്ള ചൂട് പാനിയങ്ങൾ കുടിക്കുന്നത്. ഈ മഴക്കാലത്ത് പരീക്ഷിക്കാവുന്ന ചില പാനിയങ്ങൾ ഇതാ
പല ആരോഗ്യപ്രശ്നങ്ങൾക്കുമുള്ള ഒരു പരിഹാരമാണ് ഹൽദി മിൽക്ക് അഥവാ മഞ്ഞൾ പാൽ. പ്രതിരോധശേഷി വർധിപ്പിക്കുന്നതിനും ദഹനം മെച്ചപ്പെടുത്തുന്നതിനും മഞ്ഞൾ പാൽ സഹായിക്കുന്നു. മഞ്ഞളിലുള്ള കുർക്കുമിൻ എന്ന സംയുക്തമാണ് ഇതിന് സഹായിക്കുന്നത്.
ഇഞ്ചി, നാരങ്ങ, തേൻ എന്നിവ ധാരാളം ആരോഗ്യ ഗുണങ്ങളുള്ളവയാണ്. മഴക്കാലത്ത് ഇത് മൂന്നും ആരോഗ്യം മെച്ചപ്പെടുത്താൻ സഹായിക്കുന്നു. ഇഞ്ചിയിലും നാരങ്ങയിലും വിറ്റാമിൻ സി ധാരാളമായി അടങ്ങിയിരിക്കുന്നു. തേനും നാരങ്ങയും ഇഞ്ചിയുടെ രുചി സന്തുലിതമാക്കുന്നു.
അടുക്കളയിൽ ലഭ്യമായ ജീരകം, മല്ലി, പെരുംജീരകം എന്നിവ ചേർത്താണ് ഈ ചായയുണ്ടാക്കുന്നത്. ദഹനത്തിന് സഹായിക്കുന്ന ഏറ്റവും മികച്ച ആയുർവേദ ഹെർബൽ ചായയാണ് ഇത്. രാവിലെ ഈ ഹെർബൽ ചായ കുടിക്കുന്നതാണ് ഉത്തമം.
മഴക്കാലത്ത് ഡയറ്റിൽ ഉൾപ്പെടുത്തണ്ട ഒന്നാണ് ഇഞ്ചി. ഇരട്ടിമധുരം കൂടി ചേർത്ത് ഇഞ്ചി ചായ കുടിക്കുന്നത് മഴക്കാല രോഗങ്ങളിൽ നിന്നും അണുബാധകളിൽ നിന്നും രക്ഷനേടാൻ സഹായിക്കും.
നട്സും സ്പൈസസും ചേർത്ത് തയ്യാറാക്കുന്ന സ്പൈസി ചായയാണ് കശ്മീരി കഹ്വ. രുചി കൂട്ടുന്നതിനു വേണ്ടി കുങ്കുമപ്പൂവ്, തേൻ, നാരങ്ങാനീര് തുടങ്ങിയവയും ചേർക്കാറുണ്ട്. മഴക്കാലത്ത് കുടിക്കാൻ പറ്റിയ മികച്ച ഒരു ചൂട് പാനീയമാണ് കഹ്വ.
പുരാതന കാലം മുതലേ ഇന്ത്യയിലെ ആരോഗ്യ പ്രശ്നങ്ങൾക്കുള്ള ഏറ്റവും പ്രധാനപ്പെട്ട പരിഹാരമാണ് കദ ചായ. സുഗന്ധവ്യഞ്ജനങ്ങൾ, ഹെർബ്സ്, തേയില എന്നിവ തിളപ്പിച്ചാണ് ഇതുണ്ടാക്കുന്നത്. ഈ ചായ വ്യത്യസ്ത രീതികളിൽ ഉണ്ടാക്കി പരീക്ഷിക്കാവുന്നതാണ്.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക