ഏറെ പോഷകങ്ങള്‍ അടങ്ങിയ ഒന്നാണ് മുട്ട. ഏതു കാലാവസ്ഥയിലും മുട്ട കഴിയ്ക്കുന്നത് ഉത്തമമാണ്.
മുട്ടയില്‍ അടങ്ങിയിരിയ്കുന്ന വിറ്റാമിനുകളും ധാതുക്കളും പല ആരോഗ്യ പ്രശ്നങ്ങളിൽ നിന്നും നമ്മെ സംരക്ഷിക്കും. വളരുന്ന പ്രായത്തില്‍ കുട്ടികള്‍ മുട്ട ദിവസവും കഴിച്ചിരിയ്ക്കണം.
മുട്ടയില്‍ പ്രോട്ടീൻ ധാരാളമായി കാണപ്പെടുന്നു. ഇത് ആരോഗ്യത്തിന് മാത്രമല്ല, പേശികളെ ശക്തിപ്പെടുത്തുന്നതിനും ഉപയോഗപ്രദമാണ്.
40 വയസിന് മുകളില്‍ പ്രായമുള്ളവര്‍ നിര്‍ബന്ധമായും ദിവസവും മുട്ട കഴിച്ചിരിയ്ക്കണം. ദിവസവും ഒരു മുട്ട കഴിക്കുന്നത് എല്ലുകളെ ബലപ്പെടുത്താനും പേശികളെ ശക്തിപ്പെടുത്താനും സഹായിയ്ക്കും.
ദിവസവും മുട്ട കഴിച്ചാൽ എല്ലുകൾക്ക് ബലം ലഭിക്കുകയും ഇതിലെ വിറ്റാമിൻ ഡിയും കാൽസ്യവും എല്ലുകളുടെ ആരോഗ്യം നിലനിർത്തുകയും ചെയ്യും
പ്രായം കൂടുന്തോറും മെറ്റബോളിസം ദുർബലമാകാൻ തുടങ്ങുന്നു. ദിവസവും ഒരു മുട്ട കഴിച്ചാൽ, മെറ്റബോളിസം ശക്തമാക്കാൻ സാധിക്കും.
പ്രായം കൂടുന്നതനുസരിച്ച് അനീമിയ, അതായത് രക്തക്കുറവ് എന്ന പ്രശ്നം ഉടലെടുക്കും, ഇരുമ്പിന്‍റെ അഭാവമാണ് ഇതിനു കാരണം. മുട്ടയ്ക്കുള്ളിൽ ധാരാളം ഇരുമ്പ് കാണപ്പെടുന്നു.
പ്രായം കൂടുമ്പോൾ ഹൃദയ സംബന്ധമായ പ്രശ്നങ്ങൾ ഉണ്ടാകാം. 40 കഴിഞ്ഞവര്‍ ദിവസവും മുട്ട കഴിച്ചാൽ ഹൃദയ സംബന്ധമായ പ്രശ്നങ്ങൾ തരണം ചെയ്യാന്‍ സാധിക്കും.