വിറ്റാമിൻ എ, സി എന്നിവയുടെ സമ്പന്നമായ ഉറവിടമാണ് പപ്പായ. ശരീരത്തിൽ നിന്ന് വിഷവസ്തുക്കളെ നീക്കം ചെയ്ത് രോഗപ്രതിരോധ ശേഷി വർധിപ്പിക്കാൻ ഇവ സഹായിക്കുന്നു.
പപ്പായയിൽ പഞ്ചസാര കുറവാണെങ്കിലും നാരുകൾ കൂടുതലാണ്. പപ്പായ വെറും വയറ്റിൽ കഴിക്കുന്നത് ദിവസം മുഴുവൻ രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്താൻ സഹായിക്കും.
ഫൈബര്‍, പൊട്ടാസ്യം, ആന്‍റി ഓക്സിഡന്‍റുകള്‍ എന്നിവയാൽ സമ്പന്നമാണ് പപ്പായ. വെറും വയറ്റിൽ പപ്പായ കഴിക്കുന്നത് ഹൃദയാരോഗ്യം മെച്ചപ്പെടുത്താന്‍ സഹായിക്കും.
രാവിലെ വെറും വയറ്റിൽ പപ്പായ കഴിക്കുന്നത് മലബന്ധം അകറ്റാന്‍ സഹായിക്കും.പപ്പായയില്‍ അടങ്ങിയിരിക്കുന്ന പപ്പൈന്‍ എന്ന എന്‍സൈം ആണ് ദഹനം മെച്ചപ്പെടുത്താനും മലബന്ധം അകറ്റാനും സഹായിക്കുന്നത്.
പപ്പൈൻ എന്ന എൻസൈമിന്റെ സാന്നിധ്യം ശരീരത്തിലെ വീക്കം കുറയ്ക്കാൻ സഹായിക്കുകയും പ്രകൃതിദത്ത വേദനസംഹാരിയായി പ്രവർത്തിക്കുകയും ചെയ്യുന്നു.
പപ്പായയിൽ അടങ്ങിയിട്ടുള്ള ല്യൂട്ടിൻ, സിയാക്സാന്തിൻ, വിറ്റാമിൻ ഇ എന്നിവ കണ്ണുകൾക്ക് ഗുണകരമാണ്. മാക്യുലർ ഡീജനറേഷൻ തടയാനും ഇവ സഹായിക്കും.
മുടിയുടെ ആരോഗ്യത്തിന് പപ്പായ ഉത്തമമാണ്. പപ്പായയിലുള്ള വിറ്റാമിൻ എ തലയോട്ടിയിൽ സെബം ഉത്പാദിപ്പിക്കാൻ സഹായിക്കുന്നതിലൂടെ മുടിയുടെ ആരോഗ്യം കാക്കുന്നു.
പപ്പായയിൽ അടങ്ങിയിരിക്കുന്ന വിറ്റാമിൻ A, വിറ്റാമിൻ C എന്നിവ ചർമ്മത്തെ ആരോഗ്യത്തോടെ സൂക്ഷിക്കാൻ സഹായിക്കും. ആന്റിഓക്‌സിഡന്റുകൾ ചർമ്മത്തിൽ ഉണ്ടാകുന്ന ചുളിവുകൾ മാറ്റി വാർധ്യക്യത്തിന്റെ ലക്ഷണങ്ങൾ അകറ്റുന്നു.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.