കായത്തിന്റെ ആരോഗ്യ ഗുണങ്ങൾ എന്തൊക്കെ? അറിയാമോ...
മലയാളികള്‍ക്ക് വളരെ സുപരിചിതമായിട്ടുള്ള ഒരു ചേരുവയാണ് കായം എന്നത് നിസംശയം പറയാം. സാമ്പാറിലും രസത്തിലുമൊക്കെ ചേർക്കുന്ന ഒരു ചേരുവ കൂടിയാണിത്
കായം രുചിക്കോ മണത്തിനോ വേണ്ടി മാത്രം കറിയില്‍ ചേര്‍ക്കുന്ന ഘടകം എന്നതിലുപരി ചില ആരോഗ്യഗുണങ്ങളും ഇതിലുണ്ട്
കായത്തിനുള്ള പ്രധാനപ്പെട്ട മൂന്ന് ആരോഗ്യഗുണങ്ങളെ അറിയാം...
കായം ദഹനപ്രവര്‍ത്തനത്തെ നല്ലരീതിയില്‍ സ്വാധീനിക്കുന്ന ഒന്നാണ്. പ്രകൃത്യാ ആല്‍ക്കലൈന്‍ ആയതിനാല്‍ ഇത് അസിഡിറ്റി കുറയ്ക്കാൻ സഹായിക്കും
ഇത് ഗ്യാസ്, നെഞ്ചെരിച്ചില്‍ പോലുള്ള പ്രശ്നങ്ങളെ നിയന്ത്രിക്കും.
ആര്‍ത്തവസംബന്ധമായ വേദന, ആര്‍ത്തവക്രമം തെറ്റുന്നത് എന്നിവ പരിഹരിക്കുന്നതിനും കായം കിടുവാണ്. കായത്തില്‍ അതിന് ആവശ്യമായിട്ടുള്ള ചില ആന്‍റിഇൻഫ്ളമേറ്ററി ഘടകങ്ങള്‍ അടങ്ങിയിട്ടുണ്ട്.
രക്തത്തിലെ ഷുഗര്‍നില നിയന്ത്രിക്കുന്നതിന് ഇന്‍സുലിന്‍ ഹോര്‍മോണ്‍ ആവശ്യമാണ്. ഇത് ഉത്പാദിപ്പിക്കുന്നത് പാന്‍ക്രിയാസിലാണ്. പാന്‍ക്രിയാസിലെ കോശങ്ങളെ ഉത്തേജിപ്പിച്ചുകൊണ്ട് ഇന്‍സുലിന്‍ ഉത്പാദനം കൂട്ടാന്‍ കായത്തിന് സാധ്യമാണ്
സാമ്പാറിലും രസത്തിലും മാത്രമല്ല, വെണ്ടയ്ക്ക-വഴുതനങ്ങ എന്നിവ കൊണ്ടുള്ള കറികളിലും പരിപ്പ് പോലുള്ള പയറുവര്‍ഗങ്ങളിലും മസാല വിഭവങ്ങളിലുമെല്ലാം കായം ചേര്‍ക്കാവുന്നതാണ്.
അതുപോലെ തക്കാളിച്ചോറ്, ലെമണ്‍ റൈസ് പോലുള്ള വിഭവങ്ങളിലും കായം ചേര്‍ക്കാം. പക്ഷേ മിതമായ അളവില്‍ മതിയാകും. അല്ലാത്തപക്ഷം രുചി വ്യത്യാസം വന്നേക്കാം