ലോക്‌സഭ തിരഞ്ഞെടുപ്പിന് മുന്നേ കോണ്‍ഗ്രസില്‍ നിന്ന് പ്രമുഖ നേതാക്കളുടെ കൊഴിഞ്ഞുപോക്ക് തുടരുന്നു
രണ്ട് മാസത്തിനിടെ ഒരു ഡസനിലേറെ പ്രമുഖ നേതാക്കളാണ് 'കൈ' വിട്ട് താമര പിടിച്ചത്
എംഎല്‍എ സ്ഥാനം രാജിവെച്ച് ബിജെപിയിലെത്തിയ അശോക് ചവാന്‍ രാജ്യസഭാംഗമായി.
യുവനേതാവും മുന്‍ കേന്ദ്രമന്ത്രിയുമായ മിലിന്ദ് ദിയോറ ശിവസേന ഏക്‌നാഥ് ഷിന്‍ഡെ വിഭാഗത്തില്‍ ചേര്‍ന്നു
മൂന്ന് തവണ എംഎല്‍എയായിരുന്ന ബാബ സിദ്ദിഖി ബിജെപിക്കൊപ്പമുള്ള അജിത് പവാറിന്റെ എന്‍സിപിയില്‍ ചേര്‍ന്നു
കര്‍ണാടക കോണ്‍ഗ്രസ് വര്‍ക്കിംഗ് പ്രസിഡന്റും മുന്‍ മന്ത്രിയുമായിരുന്നു ബസവരാജ് പാട്ടീല്‍
മഹിള കോണ്‍ഗ്രസ് ജനറല്‍ സെക്രട്ടറിയും മുന്‍ മന്ത്രിയുമാണ് ബിസ്മിത ഗൊഗോയ്. കോണ്‍ഗ്രസ് പാരമ്പര്യമുള്ള കുടുംബമാണ് ബിസ്മിതയുടേത്
യൂത്ത് കോണ്‍ഗ്രസ് അസം പ്രസിഡന്റായിരുന്ന അങ്കിത ദത്ത നേതൃത്വവുമായി കലഹിച്ചാണ് പാര്‍ട്ടി വിട്ടത്
കോണ്‍ഗ്രസ് വര്‍ക്കിംഗ് പ്രസിഡന്റായിരുന്ന റാണാ ഗോസ്വാമി രണ്ട് തവണ എംഎല്‍എയായിട്ടുണ്ട്
ലിംഗായത്ത് സമുദായ നേതാവായ ജഗദീഷ് ഷെട്ടാര്‍ ബിജെപി വിട്ട് കോണ്‍ഗ്രസില്‍ ചേരുകയും പിന്നീട് വീണ്ടും തിരികെ വരികയുമായിരുന്നു
കോണ്‍ഗ്രസ് വര്‍ക്കിംഗ് കമ്മിറ്റി അംഗമായിരുന്ന മഹീന്ദ്രജീത് മാളവ്യ മുന്‍ മന്ത്രിയും നാല് തവണ എംഎല്‍എയുമായ വ്യക്തിയാണ്
ഗുജറാത്തിലെ കരുത്തനായ ഗോത്രവര്‍ഗ നേതാവാണ് നരണ്‍ രഠ്-വാ. ഒന്നാം യുപിഎ സര്‍ക്കാരില്‍ റെയില്‍ സഹമന്ത്രിയായിരുന്നു
മഹിള കോണ്‍ഗ്രസ് ജനറല്‍ സെക്രട്ടറിയായിരുന്ന എസ് വിജയധരണി എംഎല്‍എയും നിയമസഭാ പാര്‍ട്ടി ചീഫ് വിപ്പുമായിരുന്നു
ജാര്‍ഖണ്ഡിലെ ഏക കോണ്‍ഗ്രസ് എംപിയും മുന്‍ മുഖ്യമന്ത്രി മധു കോഡയുടെ ഭാര്യയുമാണ് ഗീത കോഡ