നിരവധി ചിത്രങ്ങൾ ക്രിസ്മസ് റിലീസിന് തയാറെടുക്കുന്നുണ്ട്. ബറോസ്, നേര്, ഓസ്ലർ, ഡങ്കി, സലാർ എന്നീ ചിത്രങ്ങൾ പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളാണ്.
മോഹൻലാൽ ആദ്യമായി സംവിധായകനായി എത്തുന്ന ചിത്രം ബറോസ് ഡിസംബർ 21ന് പ്രേക്ഷകർക്ക് മുന്നിലേക്ക് എത്തുമെന്നാണ് റിപ്പോർട്ട്.
ജീത്തു ജോസഫ് - മോഹൻലാൽ കൂട്ടുകെട്ടിൽ എത്തുന്ന നേര് ഡിസംബറിൽ റിലീസിനെത്തുമെന്നാണ് റിപ്പോർട്ടുകൾ സൂചിപ്പിക്കുന്നത്. ഔദ്യോഗികമായി പ്രഖ്യാപിച്ചിട്ടില്ലെങ്കിലും ഡിസംബർ 21ന് ചിത്രം എത്തുമെന്നാണ് പ്രതീക്ഷ.
ജയറാമിനെ നായകനാക്കി മിഥുൻ മാനുവൽ തോമസ് ഒരുക്കുന്ന മെഡിക്കൽ ത്രില്ലർ ചിത്രം ഓസ്ലർ ക്രിസ്മസ് റിലീസായി തിയറ്ററുകളിൽ എത്തും. എന്നാൽ റിലീസ് തിയതി പ്രഖ്യാപിച്ചിട്ടില്ല.
ഷാരൂഖ് ഖാൻ നായകനാകുന്ന ഡങ്കി ഡിസംബർ 21ന് തിയേറ്ററുകളിലെത്തും. രാജ്കുമാർ ഹിരണി സംവിധാനം ചെയ്യുന്ന ചിത്രമാണിത്.
പ്രഭാസ് കേന്ദ്ര കഥാപാത്രമാകുന്ന സലാർ ഡിസംബർ 21ന് റിലീസ് ചെയ്യും. പ്രശാന്ത് നീൽ ഒരുക്കുന്ന ചിത്രത്തിൽ പൃഥ്വിരാജും പ്രധാന വേഷം ചെയ്യുന്നു.