മലയാളികളുടെ സ്വന്തമായിരുന്ന ഇപ്പോൾ പാൻ ഇന്ത്യൻ ലെവലിൽ തിളങ്ങി നിൽക്കുന്ന താരമാണ് ദുൽഖർ സൽമാൻ. സിനിമയോടെന്ന പോലെ തന്നെ ദുൽഖറിന് പ്രണയമുള്ളത് വാഹനങ്ങളോടാണ്.
കാർ, ബൈക്ക് തുടങ്ങിയവയോടുള്ള ദുൽഖറിന്റെ പ്രണയം എല്ലാവർക്കും അറിയാവുന്നതാണ്. ഈ ക്രേസ് പലപ്പോഴും സോഷ്യൽ മീഡിയയിലൂടെ താരം പങ്കുവെച്ചിട്ടുമുണ്ട്.
തന്റെ 'പ്രണയ'ത്തിനൊപ്പമുള്ള ചിത്രങ്ങളാണ് ദുൽഖർ ഇപ്പോൾ പങ്കുവെച്ചിരിക്കുന്നത്. ഈ ചിത്രങ്ങൾ വൈറലായി മാറിയിരിക്കുകയാണ്.
പോർഷെ കാറിനൊപ്പമുള്ള ചിത്രങ്ങളാണ് ദുൽഖർ സൽമാൻ സോഷ്യൽ മീഡിയയിൽ പോസ്റ്റ് ചെയ്തിരിക്കുന്നത്.
നടക്കാൻ തുടങ്ങും മുൻപ് തുടങ്ങിയതാണ് വാഹനങ്ങളോടുള്ള ഈ പ്രണയം എന്നാണ് ദുൽഖർ കുറിച്ചത്. ഒരു സ്വപ്ന സാക്ഷാത്കാര നിമിഷമായിരുന്നു ഇതെന്നും താരം കുറിച്ചു.
പോർഷെ പ്രേമിയാണ് ദുൽഖർ സൽമാൻ എന്നാണ് പോർഷെ കമ്പനി എഫ്ബിയിൽ പോസ്റ്റ് ചെയ്ത കുറിപ്പിൽ പറയുന്നത്. ക്രിസ്റ്റഫോറസ് മാസികയുടെ ഏറ്റവും പുതിയ ലക്കത്തിലേക്കുള്ള ഫോട്ടോഷൂട്ടാണിത്.