ജയ ജയ ജയ ജയ ഹേ എന്ന ഒറ്റ സിനിമ കൊണ്ട് പ്രേക്ഷകർക്ക് സുപരിചിതനായ സംവിധായകനാണ് വിപിൻ ദാസ്. 2022ലാണ് ഈ ചിത്രം പുറത്തിറങ്ങിയത്.
ജയ ജയ ജയ ജയ ഹേ എന്ന ചിത്രം കണ്ട് ആമിർ ഖാൻ തന്നെ വിളിച്ചതും അദ്ദേഹവുമായി കൂടിക്കാഴ്ച നടത്തിയതിനെ കുറിച്ചുമെല്ലാം വിവരിച്ച് ഫേസ്ബുക്ക് പോസ്റ്റിട്ടിരിക്കുകയാണ് വിപിൻ.
ജയ ജയ ജയ ജയ ഹേ എന്ന ചിത്രത്തിന്റെ ഒരു വർഷം തികഞ്ഞ വേളയിലാണ് വിപിൻ ആമിർ ഖാനൊപ്പമുള്ള ചിത്രങ്ങൾ പങ്കുവെച്ചിരിക്കുന്നത്. ചിത്രത്തിന്റെ അണിയറപ്രവർത്തകർക്കും അഭിനേതാക്കൾക്കുമെല്ലാം സംവിധായകൻ നന്ദി പറയുകയും ചെയ്തു.
മുത്തുഗൗ (2016), അന്താക്ഷരി (2022), ജയ ജയ ജയ ജയ ഹേ (2022) എന്നീ ചിത്രങ്ങളാണ് വിപിൻ ദാസ് ഒരുക്കിയിരിക്കുന്നത്.