തെന്നിന്ത്യയിലെ പ്രമുഖ നടിമാരില്‍ ഒരാളാണ് പ്രിയാമണി വാസുദേവ് മണി അയ്യര്‍
തെലുങ്ക്, കന്നഡ, തമിഴ്, മലയാളം, ഹിന്ദി തുടങ്ങിയ ഭാഷകളില്‍ പ്രിയാമണി ശ്രദ്ധേയമായ കഥാപാത്രങ്ങള്‍ ചെയ്തിട്ടുണ്ട്
പരുത്തിവീരന്‍ (2007) എന്ന ചിത്രത്തിലെ അഭിനയത്തിന് മികച്ച നടിക്കുള്ള ദേശീയ ചലച്ചിത്ര പുരസ്‌കാരം പ്രിയാമണിക്ക് ലഭിച്ചു
2008ല്‍ പുറത്തിറങ്ങിയ തിരക്കഥ എന്ന മലയാള സിനിമയിലെ അഭിനയത്തിന് മികച്ച നടിക്കുള്ള ഫിലിംഫെയര്‍ അവാര്‍ഡും പ്രിയാമണി സ്വന്തമാക്കി
ബെംഗളൂരുവിൽ ജനിച്ചു വളർന്ന പ്രിയാമണി സിനിമയിൽ എത്തുന്നതിന് മുമ്പ് മോഡലിംഗ് രംഗത്ത് പ്രവർത്തിച്ചിരുന്നു
തെലുങ്ക് സിനിമയായ എവാരെ അട്ടഗാഡും (2003) എന്ന ചിത്രത്തിൽ നായികയായാണ് പ്രിയാമണി അരങ്ങേറ്റം കുറിച്ചത്
പൃഥ്വിരാജ് നായകനായ സത്യം എന്ന ചിത്രത്തിലൂടെയാണ് പ്രിയാമണി മലയാളത്തില്‍ അരങ്ങേറ്റം കുറിച്ചത്
ഒറ്റനാണയം, പ്രാഞ്ചിയേട്ടന്‍ ആന്റ് ദി സെയ്ന്റ്, ഗ്രാന്‍ഡ് മാസ്റ്റര്‍ തുടങ്ങിയവയാണ് പ്രധാന മലയാള ചിത്രങ്ങൾ