തന്റെ സോഷ്യൽ മീഡിയ പ്ലാറ്റ്ഫോം ആയ ഇൻസ്റ്റഗ്രാമിലാണ് സനുഷ ചിത്രങ്ങൾ പങ്കുവെച്ചത്. ഏറെ കാലത്തിന് ശേഷമാണ് താരം ചിത്രങ്ങളുമായി എത്തിയത്.
All the hidden wounds will heal one day and the scars will be faded എന്നാണ് സനുഷ ചിത്രങ്ങൾക്കൊപ്പം ക്യാപ്ഷനായി കുറിച്ചിരിക്കുന്നത്.
വേദന വിട പറയും, സ്നേഹത്തിനായി മാത്രം സൃഷ്ടിക്കപ്പെട്ട നിങ്ങളുടെ മനോഹരമായ ഹൃദയത്തിനുള്ളിൽ സന്തോഷം വസിക്കും എന്നും സനുഷ ക്യാപ്ഷനൊപ്പം കുറിച്ചിരിക്കുന്നു.
ബാലതാരമായാണ് സനുഷ സിനിമയിലെത്തിയത്. കാസർഗോഡ്കാരിയായ സനുഷ തന്റെ 5ാം വയസ്സിലാണ് സിനിമയിലെത്തുന്നത്. മമ്മൂട്ടി ചിത്രമായ ദാദാ സാഹിബ് എന്ന സിനിമയിലൂടെയാണ് താരം വെള്ളിത്തിരയിലേക്കെത്തുന്നത്.
മീശ മാധവൻ, കാഴ്ച, മാമ്പഴക്കാലം, കരുമാടിക്കുട്ടൻ, രാവണപ്രഭു, മേഘമൽഹാർ തുടങ്ങി മലയാളത്തിലെ എക്കാലത്തേയും മികച്ച സിനിമകളുടെ ഭാഗമായി മാറിയ സനുഷ തന്റെ മികച്ച പ്രകടനങ്ങൾ കൊണ്ട് പ്രേക്ഷക മനസ്സിൽ ചേക്കേറി.