നയൻതാര-വിഘ്നേഷ് ദമ്പതികളുടെ മക്കൾക്ക് ഒരു വയസ് തികഞ്ഞിരിക്കുകയാണ്. ഇവരുടെ പിറന്നാൾ ആഘോഷമാക്കിയിരിക്കുകയാണ് നയൻസും വിക്കിയും.
ഉയിർ, ഉലക് എന്നിങ്ങനെയാണ് നയൻതാരയുടെയും വിഘ്നേഷിന്റെയും ഇരട്ടക്കുട്ടികളുടെ പേര്. പിറന്നാൾ ദിവസത്തിൽ ഇരുവരുടെയും മുഖം ആരാധകർക്ക് മുൻപിൽ വെളിപ്പെടുത്തിയിരിക്കുകയാണ് ദമ്പതികൾ.
രുദ്രോ നീൽ എൻ. ശിവൻ, ദൈവിക് എൻ. ശിവൻ എന്നിങ്ങനെയാണ് ഇവരുടെ യാഥാർത്ഥ പേരുകൾ. 2022 സെപ്റ്റംബര്‍ 26ലാണ് വിഘ്നേഷിനും നയന്‍താരയ്ക്കും വാടക ഗര്‍ഭ പാത്രത്തിലൂടെ ഇരട്ടക്കുട്ടികൾ ജനിച്ചത്.
കുട്ടികളുടെ ചിത്രങ്ങൾ മുൻപ് പങ്കുവെച്ചിട്ടുണ്ടെങ്കിലും മുഖം വെളിപ്പെടുത്തിയിരുന്നില്ല. പിറന്നാൾ ദിനത്തിലാണ് മക്കളുടെ മുഖം വെളിപ്പെടുത്തിക്കൊണ്ടുള്ള ചിത്രങ്ങൾ സോഷ്യൽ മീഡിയയിൽ പങ്കുവെച്ചത്.