ഇന്ത്യന്‍ ക്രിക്കറ്റിന്റെ ഭാവി തന്റെ കയ്യില്‍ ഭദ്രമാണെന്ന് വീണ്ടും തെളിയിക്കുകയാണ് യശസ്വി ജയ്‌സ്വാള്‍
ഇംഗ്ലണ്ടിനെതിരായ പരമ്പരയില്‍ ഇതിനോടകം തന്നെ ജയ്‌സ്വാള്‍ രണ്ട് ഇരട്ട സെഞ്ച്വറികള്‍ നേടിക്കഴിഞ്ഞു
രണ്ടാം ടെസ്റ്റിലും മൂന്നാം ടെസ്റ്റിലുമാണ് ജയ്‌സ്വാള്‍ അടിച്ച് കസറിയത്
പരമ്പരയില്‍ രണ്ട് ഇരട്ട സെഞ്ച്വറിയും ഒരു അര്‍ധ സെഞ്ച്വറിയും സഹിതം 500ല്‍ അധികം റണ്‍സ് ജയ്‌സ്വാള്‍ നേടിക്കഴിഞ്ഞു
ഇതിനിടെ ഒരു ദ്വിരാഷ്ട്ര ടെസ്റ്റ് പരമ്പരയില്‍ ഏറ്റവും കൂടുതല്‍ സിക്‌സറുകള്‍ നേടിയ താരമായി ജയ്‌സ്വാള്‍ മാറി
മൂന്നാം ടെസ്റ്റില്‍ മാത്രം 12 സിക്‌സറുകളാണ് യശസ്വിയുടെ ബാറ്റില്‍ നിന്ന് പിറന്നത്
5 മത്സരങ്ങളടങ്ങിയ പരമ്പരയില്‍ ഇതിനോടകം തന്നെ 20 സിക്‌സറുകളാണ് യശസ്വി നേടിയത്
2019ല്‍ ദക്ഷിണാഫ്രിക്കയ്ക്ക് എതിരെ 19 സിക്‌സറുകള്‍ പറത്തിയ രോഹിത് ശര്‍മ്മയുടെ റെക്കോര്‍ഡാണ് പഴങ്കഥയായത്