ആഗോള ടെക് ഭീമനായ ആപ്പിളിൻ്റെ iOS-ൽ വിചിത്രമായ ഒരു ബഗ് കണ്ടെത്തി
ഐഫോണുകള്‍ മാത്രമല്ല, ഐപാഡുകളും ക്രാഷാകുന്ന തരത്തിലുള്ള ഒരു ബഗ് ആണിത്
വെറും നാല് ക്യാരക്ടറുകള്‍ ടൈപ്പ് ചെയ്താല്‍ സ്‌ക്രീന്‍ ബ്ലാക്ക്ഔട്ടായി മാറുന്നതായി കണ്ടെത്തി
ഐഫോണുകളിലും ഐപാഡുകളിലും അബദ്ധത്തിലെങ്കിലും “”:: എന്നിങ്ങനെ ടൈപ്പ് ചെയ്താല്‍ ക്രാഷാകുമെന്നാണ് കണ്ടെത്തല്‍
ഇത് സ്പ്രിംഗ്ബോർഡ് എന്നറിയപ്പെടുന്ന ഐഫോണിൻ്റെ ഇൻ്റർഫേസ് തകരാറിലാകുന്നതിനും റീബൂട്ട് ആകുന്നതിനും കാരണമാകും
ഒരു സൈബര്‍ സുരക്ഷാവിദഗ്ധനാണ് ആപ്പിളിലെ ഈ പിഴവ് കണ്ടെത്തിയിരിക്കുന്നത്
വ്യത്യസ്ത ഐഫോൺ മോഡലുകളിൽ ഇത് പലരും പരീക്ഷിക്കുകയും ബഗ് സ്ഥിരീകരിക്കുകയും ചെയ്തിട്ടുണ്ട്
ഇതൊരു ബഗ് മാത്രമാണെന്നും സുരക്ഷാ പ്രശ്‌‌നമല്ലെന്നുമാണ് സൈബര്‍ സുരക്ഷാ വിദഗ്ധരുടെ വിലയിരുത്തൽ
ബഗിനെ കുറിച്ച് ആപ്പിള്‍ പ്രതികരിച്ചിട്ടില്ല. വരും അപ്‌ഡേറ്റില്‍ പിഴവ് പരിഹരിക്കപ്പെടുമെന്ന പ്രതീക്ഷയിലാണ് ഉപയോക്താക്കൾ