ധാരാളം വിറ്റാമിനുകളും ധാതുക്കളും ആൻ്റിഓക്‌സിഡൻ്റുകളും നാരുകളും അടങ്ങിയ ആരോഗ്യകരമായ ഒരു ധാന്യമാണ് സ്വീറ്റ് കോൺ അഥവാ ചോളം. ഇത് ഡയറ്റിൽ ഉൾപ്പെടുത്തിയാൽ നിരവധി ആരോഗ്യ ഗുണങ്ങൾ ശരീരത്തിന് ലഭിക്കും.
വൈറ്റമിൻ ഡി, മഗ്നീഷ്യം, പൊട്ടാസ്യം എന്നിവ ധാരാളമായി ചോളത്തിൽ അടങ്ങിയിരിക്കുന്നു. ഫോളേറ്റിന്റെ ഉറവിടമായ ചോളം ഗർഭിണികൾക്ക് ഏറെ നല്ലതാണ്. സ്വീറ്റ് കോൺ കഴിക്കുന്നതിൻ്റെ ആരോഗ്യ ഗുണങ്ങൾ എന്തെല്ലാമാണെന്ന് അറിയാം.
ഭക്ഷ്യനാരുകൾ ധാരാളമായി അടങ്ങിയ ചോളം ദഹനത്തിന് സഹായിക്കുന്നു. മലബന്ധം തടയാനും ഉദരാരോഗ്യം മെച്ചപ്പെടുത്താനും ചോളം കഴിക്കുന്നത് നല്ലതാണ്.
ഹൃദയാരോഗ്യം മെച്ചപ്പെടുത്താൻ ഏറ്റവും മികച്ച ഭക്ഷണമാണ് ചോളം. ചോളത്തിൽ നാരുകൾ ധാരാളമടങ്ങിയതിനാൽ കൊളസ്ട്രോൾ കുറയ്ക്കുകയും രക്തത്തിലെ പഞ്ചാസാരയുടെ അളവ് നിയന്ത്രിക്കുകയും ചെയ്യുന്നു.
ല്യൂട്ടിൻ, സീസാന്തിൻ തുടങ്ങിയ നിരോക്സീകാരികൾ ചോളത്തിൽ ധാരാളമായി അടങ്ങിയിട്ടുണ്ട്. ഇത് കണ്ണിനുണ്ടാകുന്ന സമ്മർദത്തിൽ നിന്ന് സംരക്ഷിക്കുകയും തിമിരം, മക്യുലാർ ഡീജനറേഷൻ തുടങ്ങിയവയ്ക്കുള്ള സാധ്യത കുറയ്ക്കുകയും ചെയ്യുന്നു.
സ്വീറ്റ് കോണിലടങ്ങിയിരിക്കുന്ന വിറ്റാമിൻ എ, ബി 1, ബി 3, സി എന്നിവ ചർമ്മാരോഗ്യത്തിന് ഗുണം ചെയ്യുന്നു. ചർമത്തിന് ക്ഷതമേൽപ്പിക്കുന്ന, പ്രായമാകുന്നതിന് കാരണമാകുന്ന ഫ്രീറാഡിക്കലുകളോട് പൊരുതി ആരോഗ്യമുള്ള ചർമം ലഭിക്കുന്നതിന് ഇവ സഹായിക്കുന്നു.
ചോളത്തിൽ കൊഴുപ്പും കാലറിയും കുറവാണ്. ശരീരഭാരം നിയന്ത്രിക്കാൻ ആഗ്രഹിക്കുന്നവർക്ക് മികച്ച ഭക്ഷണമാണിത്. നാരുകൾ ധാരാളം അടങ്ങിയതിനാൽ ഏറെ നേരം വയർ നിറഞ്ഞ തോന്നലുണ്ടാകാനും ചോളം സഹായിക്കുന്നു.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക