भारतीय क्रिकेट नियामक मंडळ म्हणजेच बीसीसीआय हे जगातील टॉपचे श्रीमंत क्रिकेट बोर्ड आहे.
बीसीसीआयमध्ये नोकरीची सुवर्णसंधी चालून आली आहे. येथील रिक्त पदासाठी तुम्हाला अर्ज करता येणार आहे.
येथे जनरल मॅनेजरचे एक पद भरले जाणार असून यासाठी ऑनलाइन माध्यमातून अर्ज मागवण्यात आले आहेत.
तुम्हीदेखील यासाठी अर्ज करु शकता पण नियम आणि अटींचे तुम्हाला पालन करावे लागेल. या रिक्त पदाचा कार्यकाळ 5 वर्षाचा असेल, याची नोंद घ्या.
पोस्ट ग्रॅज्युएशन आणि बिझनेस अॅडमिनिस्ट्रेशनमध्ये मास्टर्स किंवा डिप्लोमा असलेले उमेदवार यासाठी अर्ज करु शकतात.
या पदासाठी अर्ज करणाऱ्या उमेदवाराला संबंधित कामाचा किमान 15 वर्षांचा अनुभव असावा.55 वर्षाच्या आतील उमेदवारच यासाठी अर्ज करु शकतात.
या पदासाठी निवड झालेल्या उमेदवारास वार्षिक 3 ते 4 कोटी रुपये पगार मिळेल. याला अद्याप कोणता अधिकृत दुजोरा देण्यात आला नाही.
26 ऑगस्ट ही अर्ज करण्याची शेवटची तारीख आहे. यानंतर आलेले अर्ज स्वीकारले जाणार नाहीत.