आयपीएल सामन्यानंतर क्विंटन दी कॉक आणि साशा हार्ली सुरुवातीला फेसबूकवर एकमेकांशी चॅट करु लागले. यातूनच त्यांच्यात मैत्री झाली आणि मैत्रीचं रुपांतर प्रेमात झालं.
क्विंटन डी कॉक आपल्या आक्रमक फलंदाजीसाठी ओळखला जातो. त्याची लव्ह स्टोरीदेखील एका चित्रपटाला शोभेल अशीच आहे.
क्विंटन डी कॉकची पत्नी साशा हार्ली आयपीएलमध्ये चिअरलीडर होती. डी कॉक आणि साशाची ओळख आयपीएल स्पर्धेदरम्यानच झाली.
आयपीएलमध्ये डी कॉक त्यावेळी दिल्ली डेअरडेव्हिल्स संघातून खेळत होता. दिल्लीने एका सामन्यात विजय मिळवल्यानंतर साशाने फेसबूकवरुन डी कॉकला विजयाच्या शुभेच्छा दिल्या.
डी कॉकने ही तिला आभार व्यक्त करणारी कमेंट केली. त्यानंतर दोघांमध्ये फेसबूकवर बोलणं सुरु झालं. इथूनच दोघांमध्ये प्रेम फुलु लागलं. 2015 मध्ये डी कॉक आणि साशाची एंगजमेंट झाली आणि 2016 मध्ये दोघांनी लग्न केलं.
2022 मध्ये डी कॉक आणि साशाला एक मुलगी झाली. त्यांनी तिचं नाव कियारा असं ठेवलंय. आपल्या मुलीचे फोटो ते अनेकवेळा सोशल मीडियावर शेअर करत असतात.
साशा हार्ली सोशल मीडियावर चांगलीच सक्रिय असते. तिला प्राण्यांची आवड आहे. सोशल मीडियावर ती नेहमी आपल्या पाळीव प्राण्यांबरोबरचे फोटो शेअर करत असते.
याशिवाय साशाला पर्यटनाची प्रचंड आवड आहे. पती डी कॉकबरोबर ती अनेक देशांमध्ये फिरत असते.
क्विंटन डी कॉक आयीएलच्या सोळाव्या हंगामात लखनऊ सुपर जायंट्स संघाकडून खेळला. त्याला केवळ 4 सामन्यांमध्येच संधी देण्यात आली. या चार सामन्यात त्याने 143 धावा केल्या.