भारतीय स्टार खेळाडू दीपक हुड्डा विवाहबंधनात अडकला आहे. त्याचे फोटो तुफान व्हायरल होत आहेत.
इन्स्टाग्रामवर त्याने विवाहबंधनाचे फोटो शेअर केलेत. या फोटोंना दिलेल्या कॅप्शनची जोरदार चर्चा होत आहे.
त्याने म्हटलं आहे की, अखेर 9 वर्षांची प्रतीक्षा संपली आहे. प्रत्येक क्षण, प्रत्येक स्वप्न आणि प्रत्येक संवाद आम्हाला या सुंदर दिवसाकडे घेऊन आला आहे.
सर्वांच्या आशीर्वादाने आम्ही नवीन सुरुवात करत आहे. आमचे मन भरले आहे, सर्वांचे आभार, अशा शब्दांत दीपकने उपस्थितांचे आभार मानले.
एकीकडे हार्दिक पांड्या आणि नताशा यांचा घटस्फोट झाला तर दुसरीकडे दीपक हुड्डाने प्रेयसीसोबत सातफेरे घेतले आहेत.
दीपकसाठी 2024 चा हंगाम खूपच वाईट राहिला आहे. लखनौ जायंट्ससाठी खेळताना त्याने खास काही कामगिरी केली नाही.
दीपकने आयपीएलच्या 16 व्या हंगामात 11 सामन्यांमध्ये 145 धावा केल्या. मात्र, एकही अर्धशतक झळकावता आले नाही.