9 जून रोजी पंतप्रधान नरेंद्र मोदी यांचा शपथविधी पार पडला, या शपथविधी करीता देशभरातील दिग्गज मंडळींनी हजेरी लावली होती.
या शपथविधी सोहळ्यादरम्यान बॉलिवूडचे जेष्ठ अभिनेते अनुपम खेर यांनी साऊथचे सुपरस्टार रजनीकांत यांची भेट घेतली.
अनुपम खेर यांनी रजनीकांतसोबतचा व्हिडीओ सोशल मीडियावर शेअर केला.
या व्हिडीओत अनुपम खेर म्हणाले की, 'रजनीकांत हे मानवजातीसाठी देवाने दिलेली देणगी आहे'. हा व्हिडीओ सध्या सोशल मीडियावर जोरदार व्हायरल होत आहे.
या व्हायरल होणाऱ्या व्हिडीओवर नेटकऱ्यांनी कमेंटचा वर्षाव केला आहे. सिनेसृष्टीत या दोन्ही अभिनेत्यांचं खूप कौतुक आणि आदर वाटतो. असं म्हणत युजर्सने या दोघांचं कौतुक केलं आहे.
साऊथचे सुपरस्टार म्हणून ओळखले जाणारे अभिनेते रजनीकांत हे मूळचे महाराष्ट्रीय असून त्याचं खरं नाव शिवाजीराव गायकवाड आहे.
फक्त साऊथमध्येच नाही तर महाराष्ट्रात ही त्यांचा चाहता वर्ग मोठ्या प्रमाणात आहे.
रजनीकांत यांचा अभिनय आणि त्यांनी सिनेमातील शैलीमुळे त्यांना साऊथ सिनेविश्वातील सुपरस्टार म्हटलं जातं.