अनेकदा कुशा तिच्या फोटोशूटचे फोटो इन्स्टाग्रामवरुन शेअर करत असते. तिचे काही फोटो फारच बोल्ड असतात.
अभिनेता अर्जुन कपूर आणि अभिनेत्री मलायका अरोरा यांच्या ब्रेकअपची जोरदार चर्चा असून यामागील कारण सांगितलं जात आहे कुशा कपिला.
अर्थात कुशा कपिलाने यासंदर्भात प्रतिक्रिया व्यक्त करताना, "इतक्या मूर्ख गोष्टी वाचल्यानंतर मलाच स्वत:ची ओळख करुन घ्यावी लागते" असं म्हटलंय.
अर्जुन आणि कुशा हे दोघे नुकतेच करण जोहरच्या घरी एका गेट-टूगेदरमध्ये स्पॉट झाले. यावेळेस मलायका नव्हती त्यावरुनच या दोघांचं लिंकअप केलं जात आहे.
मात्र अर्जुन आणि मलायकाच्या कथित ब्रेकअपसाठी कारणीभूत असल्याचा दावा केली जाणारी कुशा कपिला आहे तरी कोण?
कुशा कपिलाने तिच्या करिअरची सुरुवात कंटेट रायटर म्हणून केली. ती आयडिव्हा वेबसाईटसाठी फॅशनसंदर्भातील लेख लिहायची.
याच कंपनीच्या फेसबुक पेजवरुन कुशाने साकारलेली दिल्लीमधील काकीचं पात्र चांगलेच गाजले आणि व्हायरल झाले.
कुशाने अचानक आपली नोकरी सोडली आणि ती पूर्णवेळ सोशल मीडिया इन्फ्यूएन्सर म्हणून कायम करु लागली.
मागील काही महिन्यांमध्ये कुशा अनेक पुरस्कार सोहळ्यांमध्ये समालोचन करताना दिसली.
अनेक ओटीटी प्लॅटफॉर्मवरही कुशा वेगवेगळ्या भूमिकांमध्ये पाहायला मिळत आहे.
मूळची दिल्लीकर असलेल्या कुशाने काही आठवड्यांपूर्वीच मुंबईत घर घेतल्याचं सोशल मीडियावरुन सांगितलं होतं.
काही आठवड्यांपूर्वीच कुशाने सोशल मीडियावरुन घटस्फोट घेत असल्याची घोषणा केली.
लग्नाच्या सहा वर्षांनी कुशा कपिलचा घटस्फोट झाला आहे.
पती जोरावर आलुवाहलियापासून कपिला वेगळी झाली असून परस्पर संमतीने हा निर्णय घेतल्याचं तिने पोस्टमध्ये म्हटलं होतं.
आता कुशाचं नाव अर्जुन कपुरशी जोडलं जात असून तिने मात्र असल्या बातम्या आपल्या आईने वाचू नये अशी इच्छा व्यक्त केली आहे.