बॉलिवूडमध्ये कास्टिंग काऊच आता एक सर्वसामान्य गोष्ट झाली आहे. प्रत्येक नवख्या अभिनेता, अभिनेत्रीला कास्टिंग काऊचचा सामना करावा लागला आहे. स्वरा भास्करही या अनुभवातून गेली आहे.
एका मुलाखतीत तिने कशाप्रकारे एका दिग्दर्शकाने कामाच्या बदल्यात आपल्याकडे लैंगिक सुख मागितलं होतं याचा खुलासा केला होता.
स्वराने दिलेल्या माहितीनुसार, एका दिग्दर्शकाने दारुच्या नशेत तिच्या रुममध्ये प्रवेश केला होता. त्याला मला मिठीत घ्यायचं होतं. भूमिकेसाठी त्याने माझ्याकडे लैंगिक सुखाची मागणी केली.
स्वराने मात्र दिग्दर्शकाची मागणी मान्य करण्यास नकार दिला होता. यामुळे तिच्या हातून अनेक चित्रपट निसटले होते.
स्वराने सांगितलं होतं की, जेव्हा मी इंडस्ट्रीत नवीन होती तेव्हा मला मेसेज आणि डिनरचं निमंत्रण पाठवत छळण्यात आलं होतं. संपूर्ण दिवसभर तो माझा पाठलाग करायचा आणि रात्री फोन करायचा.
एका सीनवर चर्चा करण्यासाठी मला त्याच्या हॉटेलच्या रुममध्ये जाण्यास सांगितलं होतं. मी गेली तेव्हा तो मद्यपान करत होता.
पहिल्याच रात्री त्याने लव्ह, सेक्स आणि वन नाइटबद्दल बोलण्यास सुरुवात केली. तो दारुच्या नशेत माझ्या खोलीत आला आणि मिठी मारण्यास सांगू लागला.
मी घाबरली होती. मी एकटी आणि तरुण होती. पॅकअपनंतर मी लाइट बंद करायचे, मेकअप काढून टाकायची जेणेकरुन मी झोपली आहे असं इतरांना वाटेल असं स्वराने सांगितलं आहे.
दिग्दर्शकाच्या या सवयींना कंटाळून स्वराने एक्झिक्युटिव्ह प्रोड्यूसरकडे तक्रार केली होती. आपल्याला सेटवर सुरक्षारक्षक मिळावेत याची खात्री स्वराने करुन घेतली.