सून कतरिना कैफच्या टॉवेल सीनवर सासऱ्यांनी दिली प्रतिक्रिया, म्हणाले 'माझ्या कुटुंबाला इतका...'

कतरिना कैफची प्रमुख भूमिका असणारा 'टायगर 3' चित्रपट प्रदर्शित झाला असून, प्रेक्षकांची पसंती मिळत आहे.

'टायगर 3' चित्रपटात कतरिना कैफने अनेक स्टंट्स केले आहेत. यामधील तिच्या टॉवेल सीनची जोरदार चर्चा आहे.

इंडिया टुडेशी संवाद साधताना कतरिना कैफने आपल्या सासऱ्यांना हा टॉवेल सीन कसा वाटला हे सांगितलं.

कतरीनाने सांगितलं की, "जो सन्मान आणि प्रेम मला माझ्या कुटुंबाकडून मिळालं आहे, ते फार विशेष आहे. माझे सासरे फार ज्येष्ठ अॅक्शन डायरेक्टर आहेत".

त्यांनी माझ्या स्टंट सीनचं कौतुक केल्यानंतर मला फार आनंद झाला. मला तुझा अभिमान वाटत असल्याचं ते म्हणाले.

ते मला म्हणाले की, तू मला अभिमान वाटावा असं काम केलं आहे. तू फार चांगले अॅक्शन सीन केल्याचं लोक सांगत आहेत.

विकीलाही 'टायगर 3' चित्रपट आवडला आहे. 'जोया'चं पात्र फार चांगलं रंगवून दाखवलं असल्याचं तो म्हणाला.