बॉलिवूड सुपस्टार अमिर खानची लेक आयरा खानचं लग्न सध्या खूप चर्चेत आहे.
आयरा खाननं सेलिब्रिटी फिटनेस ट्रेनर नुपूर शिखरे याच्यासोबत नुकतचं रजिस्टर लग्न केलं. नुपूरच्या हटके एन्ट्रीनं आणि दोघांच्या आउट्फिट्सने या लग्नाला प्रकाशझोतात आणलं.
एका हटके विवाहसोहळ्यामागोमाग आता चर्चा सुरु आहे ती आयरा खान आणि नुपूर शिखरेच्या शाही विवाह सोहळ्याची.
नुपूर आणि आयराचा शाही विवाह सोहळा उदयपुरमध्ये पार पडणार आहे.
सोशल मिडीयावरुन या शाही विवाह सोहळ्याची पत्रिका आयरा खाननं शेअर करत सर्वांनाच विवाहसोहळ्याची एक झलक दाखवली आहे.
या पत्रिकेनुसार 8 जानेवारीला आयरा आणि नुपूरच्या लग्नानिमित्त पजामा पार्टी तर 9 तारखेला संगीत सोहळा पार पडणार आहे.
7 ते 10 जानेवारीपर्यंत हा विवाह सोहळा उदयपुरमधील ताज अरावलीमध्ये पार पडणार आहे.
10 तारखेला आयरा खान आणि नुपूर शिखरे मराठमोळ्या पद्धतीने विवाह बंधनात अडकणार आहेत.
बॉलिवूड कलाकारांच्या उपस्थित हा शाही विवाह सोहळा पार पडणार आहे.
बॉलिवूडमध्ये 2024 ची सुरूवात या दिमाखदार शाही विवाह सोहळ्यानं सुरूवात झाली आहे.