खराब लाईफस्टाईलमुळे आजकाल लोकांमध्ये कोलेस्ट्रॉल वाढण्याची समस्या दिसून येतेय. वाढलेल्या कोलेस्ट्रॉलमुळे संबंधित व्यक्तीला विविध त्रास मागे लागण्याची शक्यता आहे.
कोलेस्ट्रॉलला सायलेंट किलर मानलं जातं. तुम्हाला माहितीये का कोलेस्ट्रॉलची हाय बॉर्डरलाईन किती आहे? तुमच्या शरीरातील कोलेस्ट्रॉल लेवल ही लिपिड प्रोफाइल टेस्टच्या माध्यामातून समजते.
वाईट कोलेस्ट्रॉल म्हणजेच LDL 100 पेक्षा कमी असेल तर कोणतीही समस्या नसल्याचं मानलं जातं.
जर तुम्ही हार्ट पेशंट आहात आणि तुमची कोलेस्ट्रॉल लेवल 100 ते 129 mg/dL असेल तर हे तुमच्यासाठी धोकादायक आहे.
जर तुम्हाला कोणत्याही प्रकारचा आजार किंवा कोणती आरोग्यासंबंधी समस्या नसेल आणि तुमची कोलेस्ट्रॉल लेवल 100 ते 129 mg/dL असेल तर जास्त काळजी करण्याची गरज नाही. यामध्ये कोलेस्ट्रॉल लेवल 130 ते 159 mg/dL असेल तर बॉर्डरलाईन कोलेस्ट्रॉल मानलं जातं.
जर तुमचं कोलेस्ट्रॉल 160 ते 189 mg/dL असेल तर ते हाय आणि धोकादायक या लिस्टमध्ये समाविष्ट होतं. यापेक्षा जास्त म्हणजे, 190 पेक्षा ज्यांचं कोलेस्ट्रॉल अधिक असतं, त्यांच्या आरोग्यासाठी ही धोक्याची पातळी आहे.