कुरमूरे अनेकांच्याच आवडीचे. वजनानं हलका भरणारा हा पदार्थ लहानग्यांपासून वयोवृद्ध मंडळींच्याही आवडीचा.
हेच कुरमूरे जेव्हा नरम पडतात तेव्हा मात्र ते खाणं जवळपास अशक्यच असतं. त्यामुळं ते नरम पडू नये यासाठी काय करावं माहितीये?
कुरमूरे नरम पडू नयेत यासाठी एका हवाबंद डब्यात किंवा पॉलिथीन बॅगेत ठेवून द्यावेत.
ओलावा असणाऱ्या खणात किंवा कोपऱ्याच कुरमूरे, लाह्यांचा डबा ठेवू नका आणि सहसा या वस्तू असणारा डबा उघडा ठेवू नका.
कुरमूरे नरम पडू नयेत यासाठी तुम्ही ही पिशवी जिथं ठेवत आहात तिथं सिलिका जेल पॅकेट ठेवू शकता. ज्यामुळं डब्यात बाष्प होणार नाही.
कुरमूरे नरम झाल्यास ते ओव्हनमध्ये अथवा एखाद्या कढईत मंद आचेवर गरम केल्यास त्याचा कुरकुरीतपणा परत आणता येतो.