चहाला वेळ नसते पण वेळेला चहा लागतो असं अनेकदा चहाप्रेमींकडून ऐकण्यात येतं.
दिवसाची सुरूवात करण्यापासून ते संध्याकाळी कामं संपल्यावर , कट्ट्यावरच्या गप्पांच्या मैफिलीसाठी ते कॉर्पोरेटमधल्या कामाच्या टेंशनवरचा ब्रेक म्हणजे चहा.
आयुष्यातल्या प्तत्येक चांगल्या वाईट प्रसंगामध्ये चहाचा घोट घेणाऱ्या माणसांचा स्वभाव असतो तरी कसा ? चला जाणून घेऊया.
चहाच्या वासाने किंवा कोणत्याही कारणाशिवाय चहा पिणारी माणसं सहजपणे सगळ्यांमध्ये मिसळून जातात.
या व्यक्तींचा स्वभाव बोलका असतो.
चहा पिणाऱ्या माणसांना जीवनातील प्रत्येक गोष्टीचा आनंद घ्यायला आवडतं.
ही माणसं कोणत्याही गोष्टीची फार चिंता न करता, जे आहे त्यात समाधानी आयुष्य जगतात.
असं म्हटलं जातं की, इतर देशांच्या तुलनेत बहुसंख्य चहीप्रेमी हे भारतात आढळतात.
ही माणसं कोणतंही नातं विचार करून जोडतात.
चहा पिणारी माणसं ही परंपरवादी असल्याचं म्हटलं जातं. ते जगाच्या पाठीवर कुठेही गेले तरी आपली संस्कृती विसरत नाही.