आठवड्याचा शेवट आणि विधानसभा निवणुकीच्या निकालाची तारीख नजीक असतानाच पश्चिम रेल्वेच्या प्रवाशांना काहीसा त्रास सहन करावा लागू शकतो.
पश्चिम रेल्वेनं वसई रोड याडातील सर्व रेल्वे मार्गावर शुक्रवारी मध्यरात्रीनंतर 12 वाजून 15 मिनिटं ते शनिवारी पहाटे 3 वाजून 15 मिनिटांदरम्यान तीन तासांचा ब्लॉक घेण्याचं ठरवलं आहे.
ब्लॉकदरम्यान रेल्वे रुळांसह, सिग्नल यंत्रणेच्या देखभाल दुरुस्तीच काम करण्यात येणार आहे.
पश्चिम रेल्वेवरील या ब्लॉकमुळं रात्री उशिरा धावणाऱ्या मेल-एक्स्प्रेस आणि दैनंदिन लोकल फेऱ्या काहीशा उशिरानं धावणार आहेत.
ब्लॉकदरम्यान, आवश्यकतेनुसार काही लोकल फेऱ्या रद्द करण्यात येणार आहेत.
शुक्रवार आणि शनिवारदरम्या घेण्यात येणाऱ्या रात्रकालीन ब्लॉकमुळे रविवारी पश्चिम रेल्वेवरील चर्चगेट ते विरार दरम्यान दिवसा ब्लॉक नाही.