पाकिस्तानचा मर्यादित ओव्हरचा कर्णधार बाबर आझम सध्या मैदानाबाहेरील एका कारणामुळे ट्रोल होत आहे.
बाबर आझमचा एका मुलीबरोबरचा फोटो व्हायरल झाला असून त्यावरुनच त्याला ट्रोल केलं जात आहे.
बाबरला ज्या फोटोवरुन ट्रोल केलं जात आहे त्यामध्ये तो एका तरुणीबरोबर गॉगल घालून फोटोसाठी पोज देताना दिसत आहे.
बाबर या फोटोमध्ये व्हाइट टी-शर्ट आणि त्यावर जॅकेट अशा लूकमध्ये दिसतोय. त्याने स्किनी जिन्स परिधान केली आहे.
मात्र फोटोत बाबरने परिधान केलेली जिन्स ही लेडीज जिन्स असल्याचा दावा चाहत्यांनी केला आहे.
बाबरची ही रिप्ड जिन्स महिलांची जिन्स म्हणून वेगवेगळ्या वेबसाइटवर विकली जात असल्याचा दावा चाहत्यांकडून करण्यात आला आहे.
अनेकांनी महिला मॉडेल्सने बाबरने परिधान केलेल्या जिन्ससारखीच जिन्स परिधान केल्याचे फोटोही शेअर केलेत.
बाबर अशापद्धतीने त्याच्या ड्रेसिंगसाठी ट्रोल होण्याची ही काही पहिली वेळ नाही. यापूर्वीही त्याला कपड्यांवरुन ट्रोल करण्यात आलं आहे.
टी-20 वर्ल्ड कपमध्ये दारुण पराभव झाल्यानंतर बाबर क्रिकेटच्या मैदानापासून दूर असून तो आता बांगलादेशविरुद्धच्या कसोटी मालिकेत दिसून येणार आहे.
बाबरने सध्या फॉर्म गमावल्याची चर्चा असून 21 ऑगस्टपासून सुरु होणाऱ्या कसोटी मालिकेत त्याने उत्तम कामगिरी करावी अशी चाहत्यांची अपेक्षा आहे.