याआधी भारतीय संघाने 1983 मध्ये कपिल देव आणि 2011 मध्ये महेंद्रसिंह धोनीच्या नेतृत्वात वर्ल्डकप जिंकला आहे.
2011 वर्ल्डकपच्या अंतिम सामन्यात धोनीने विजयी षटकार लगावला होता. धोनी प्लेअर ऑफ द मॅचही राहिला होता.
अंतिम सामन्यात गौतम गंभीरने 97 धावा केल्या होत्या. तर युवराज सिंग प्लेअर ऑफ द टूर्नामेंट ठरला होता.
पण चाहते आजही धोनीच्या षटकाराबद्दलच चर्चा करताना दिसतात. यामुळे नाराज झालेल्या गौतम गंभीरने एका मुलाखतीत संताप व्यक्त केला आहे.
फक्त एक खेळाडू स्पर्धा जिंकवू शकत नाही. असं असतं तर भारताने आतापर्यंतचे सगळे वर्ल्डकप जिंकले असते असं गंभीरने म्हटलं आहे.
"मी 97 धावा केल्या त्याबद्दल बोलू नका. पण युवराज सिंग, झहीर खान, मुनाफ पटेल यांनी चांगली कामगिरी केली होती," असं गंभीरने सांगितलं आहे.
"सचिन तेंडुलकरनेही त्या वर्ल्डकपमध्ये 3-4 शतकं ठोकली होती. किती लोक या सर्व गोष्टींबद्दल बोलतात".
"पण लोक आजही फक्त त्या षटकाराबद्दल बोलतात. हे सर्व मीडिया आणि सोशल मीडियामुळे आहे," असा संताप गंभीरने व्यक्त केला आहे.