भारताचा माजी क्रिकेटपटू जहीर खानने अगदी पारंपारिक पद्धतीने पत्नी सागरिकासहीत गुढीपाडवा साजरा केला.
सागरिकानेच आपल्या इन्स्टाग्राम अकाऊंटवरुन या गुडीपाडवा सेलिब्रेशनचे काही खास फोटो शेअर केले आहेत.
जहीरने गुलाबी कुर्ता परिधान केला असून सागरिकाने हलक्या गुलाबी रंगाची साडी परिधान केली आहे.
विशेष म्हणजे नैवद्याला पुरपोळी दिसत असून या पोस्टमध्ये सागरिकाने शिरकुर्म्याचा उल्लेखही केला आहे. सागरिकाने दिलेल्या कॅप्शनमधून दोन्ही गोड गोष्टी पाडव्याच्या शुभ मुहूर्तावर घरी तयार करण्यात आल्याचं स्पष्ट होत आहे.
जहीर आणि सागरिका या दोघांनी एक सेल्फीही शेअर केला आहे.
जहीर आणि सागरिका हे लग्नापूर्वी अनेक वर्षांपासून एकमेकांना डेट करत होते.
अखेर 2017 साली जहीर सागरिकाबरोबर विवाहबंधनात अडकला.
जहीरचा जन्म हा महाराष्ट्रातील अहमदनगरमधील श्रीरामपूर येथील आहे.
जहीर आणि त्याची पत्नी सागरिका हे दोघेही मराठी आहेत. मात्र दोघेही वेगवेगळ्या धर्माचे पालन करत असले तरी दोन्ही धर्मातील प्रमुख सण एकत्रच साजरे करतात.
अनेकांनी पुरणपोळी आणि शिरकुर्म्याचा हा नैवैद्य पाहून जहीर आणि सागरिकाचं कौतुक केलं आहे.
सागरिकाने शेअर केलेले फोटो चर्चेचा विषय ठरत आहेत