आयसीसीच्या अध्यक्षपदी जय शाह यांनी बिनविरोध निवड करण्यात आली. 1 डिसेंबरपासून शाह या पदाची सूत्र सांभाळणार असून त्यांच्या किरकिर्दीकडे अनेकांचं लक्ष राहील.
आयसीसीच्या अध्यक्षपदी विराजमान होणारे शाह सहावे भारतीय असून, ते सलग दोन वर्षे हे अध्यक्षपद भुषवू शकतात.
राहिला मुद्दा नव्या पदासाठी शाह यांना पगार किंवा मिळणारं मानधन किती? तर इथंही समीकरणं काहीशी बीसीसीआयसारखीच असल्याचं म्हटलं जातं.
आयसीसीमध्ये अध्यक्ष, उपाध्यक्ष आणि तत्सम अधिकाऱ्यांना निर्धारित पगारच मिळतो असं नाही. पण, त्यांना विविध बैठका आणि त्यांच्या कामाच्या आधारावर भत्ते आणि सुविधा मिळतात.
आजपर्यंत आयसीसीकडून तिथं सेवेत असणाऱ्या मंडळींना नेमकं किती मानधन/ पगार दिला जातो याची अधिकृत माहिती प्रसिद्ध करण्यात आलेली नाही. हो पण, या मंडळींवर सुविधांची बरसात होते ही बाब मात्र खरी.
जय शाह आता या अतिशय महत्त्वाच्या पदावर विराजमान झाल्यामुळं त्यांच्या कारकिर्दीवर तर सर्वांचं लक्ष असणारच आहे पण त्याशिवाय त्यांच्या एकूण संपत्तीचा आकडा किती फरकानं वाढतो यावरी अनेकांचं लक्ष राहणार आहे.