शुभमन गिलच्या बॅटला 'ग्रहण', अजून किती मिळणार संधी?

भारत आणि इंग्लंड यांच्यातील पाच सामन्यांच्या टेस्ट मालिकेतील पहिला सामना हैदराबादच्या राजीव गांधी आंतरराष्ट्रीय स्टेडियमवर खेळवला जात आहे.

इंग्लंड विरूद्ध भारत यांच्यात टेस्ट सामना सुरु असून टीम इंडियाचा स्टार खेळाडू शुभमन गिलकडून मोठ्या खेळीची अपेक्षा होती.

मात्र चाहत्यांना पुन्हा एकदा नाराज करून शुभमन 23 रन्सवर पव्हेलियन मध्ये परतला. त्यामुळे गिलचा फ्लॉप शो सुरुच असल्याचं दिसून येतंय.

24 वर्षीय शुभमन गिल टेस्ट क्रिकेटमध्ये बऱ्याच दिवसांपासून 'आउट ऑफ फॉर्म' आहे.

ऑस्ट्रेलियाविरुद्ध वर्ल्ड टेस्ट चॅम्पियनशिप (WTC) फायनलपासून गिलने क्रिकेटच्या या फॉरमॅटमध्ये एकही अर्धशतक झळकावलेलं नाही.

दक्षिण आफ्रिका दौऱ्यातही गिलची बॅट शांत होती. त्यावेळी त्याने 4 डावांत केवळ 74 रन्स केले होते.

टेस्ट क्रिकेटमध्ये शुभमन गिलकडून खूप अपेक्षा आहेत, पण सध्याची त्याची खेळी पाहता तो टीम मॅनेजमेंटसाठी डोकेदुखी ठरताना दिसतोय.