मुंबई इंडियन्स आणि सनरायझर्स हैदराबाद संघादरम्यान हैदराबादमधील राजीव गांधी इंटरनॅशनल स्टेडियममध्ये 27 मार्च रोजी झालेल्या सामन्यामध्ये धावांचा, षटकारांचा आणि विक्रमांचा पाऊस पडला. बुधवारी झालेल्या या सामन्याने प्रेक्षकांच्या डोळ्याचं पारणं फेडलं.
मुंबई आणि हैदराबादच्या संघाने एकूण 523 धावा कुटल्या. या सामन्यामध्ये विक्रमी 38 षटकार लगावण्यात आले.
कोणत्याही टी-20 सामन्यामध्ये दोन्ही संघांनी मिळून 500 धावांचा टप्पा ओलांडण्याची ही पहिलीच वेळ ठरली.
मात्र मुंबई विरुद्ध हैदराबाद सामन्यातील धावसंख्या ही एका संघाने केलेली टी-20 मधील सर्वोच्च नाही असं सांगितल्यास तुम्हाला नक्कीच आश्चर्य वाटेल. पण हे खरं आहे.
सर्वाधिक धावसंख्येचा विचार केल्यास मुंबई विरुद्ध हैदराबाद सामना चौथ्या स्थानावर आहे. सर्वाधिक धावसंख्या झालेले टॉप 5 टी-20 सामने कोणते ते पाहूयात...
सय्यद मुस्ताक अली ट्रॉफी स्पर्धेत 2023 मध्ये पंजाब विरुद्ध आंध्रप्रदेश सामन्यात पंजाबने 275 धावा केल्या होत्या. 6 विकेट्सच्या मोबदल्यात त्यांनी एवढ्या धावा केल्या.
27 मार्च 2024 च्या आयपीएल सामन्यातील मुंबई विरुद्ध सनरायझर्स हैदराबाद सामन्यात सनरायझर्सने 20 ओव्हरमध्ये 277 धावा केल्या.
झेक प्रजासत्ताक विरुद्ध तुर्कीदरम्यान झालेल्या 2019 च्या सामन्यात झेक प्रजासत्ताकच्या संघाने 4 विकेट्सच्या मोबदल्यात 278 धावा केल्या होत्या.
2019 साली झालेल्या अफगाणिस्तानविरुद्ध आयर्लंड सामन्यामध्ये अफगाणिस्तानच्या संघाने 3 विकेट्सच्या मोबदल्यात 278 धावा केलेल्या.
2023 साली झालेला नेपाळ विरुद्ध मंगोलीया हा सामना टी-20 मध्ये एकाच संघाने सर्वाधिक धावा करणारा सामना ठरला.
मंगोलियाविरुद्ध नेपाळच्या संघाने 3 गड्याच्या मोबदल्यात 120 बॉलमध्ये तब्बल 314 धावा केलेल्या.