टीम इंडियाचा अनुभवी वेगवान गोलंदाज इशांत शर्मावर अचानक मोठी जबाबदारी सोपवण्यात आली आहे.
भारतीय संघाच्या वेस्ट इंडिज दौऱ्यावर तो विशेष काम करताना दिसणार आहे. इशांत बऱ्याच दिवसांपासून संघाबाहेर आहे.
वेस्ट इंडिजविरुद्धच्या कसोटी, एकदिवसीय आणि टी-20 मालिकेसाठी संघांची घोषणा करण्यात आली आहे, मात्र इशांत शर्माला कोणत्याही फॉरमॅटमध्ये संधी देण्यात आली नाही.
वयाच्या अवघ्या 19 व्या वर्षी आंतरराष्ट्रीय क्रिकेटमध्ये पदार्पण करणारा इशांत आता दिसेनासा झालाय.
इशांत भारतासाठी शेवटचा कसोटी सामना 2021 मध्ये कानपूरमध्ये न्यूझीलंडविरुद्ध खेळला होता. त्यानंतर आता तो वेस्ट इंडिज सिरीजमध्ये दिसणार आहे.
वेस्ट इंडिजविरुद्ध 12 जुलैपासून सुरू होणाऱ्या कसोटी मालिकेत इशांतकडे समालोचकाची जबाबदारी सोपवण्यात आली आहे.
अद्याप निवृत्ती जाहीर केली नसली तरी इशांत समालोचकाच्या भूमिकेत दिसणार आहे.