आपण ज्याच्यावर प्रेम करतो त्या व्यक्तीशी लग्न करणं हे प्रत्येकाचं स्वप्न असतं. क्रिकेटपटूही त्याला अपवाद नाहीत.
मात्र क्रिकेपटूंनी प्रेमात पडून त्यांच्या चाहत्यांशी लग्न करणं ही सामान्य बाब नाही.
भारतीय क्रिकेट विश्वामध्ये अशी अनेक जोडपी आहेत ज्याचं पूर्वीचं नातं केवळ चाहता आणि खेळाडू एवढं होतं.
मात्र सर्व संकटांवर मात करुन ही जोडपी एकत्र आली आणि त्यांनी सुखाने संसार केला. ही जोडपी कोण हे पाहूयात...
रोहित शर्मा आणि ऋतिका सजदेह हे दोघेही आधीपासून एकमेकांना ओळखायचे. ऋतिका ही रोहितची मॅनेजर होती.
ऋतिका ही रोहितबरोबर मॅनेजर म्हणून काम करण्याच्या आधीपासूनच रोहितची फार मोठी चाहती होती.
रोहित आणि ऋतिका प्रेमात पडले आणि त्यानंतर ते लग्नबंधनात अडकले.
या दोघांकडे आयडीएल कपल म्हणून पाहिलं जातं.
सचिन तेंडुलकर त्याच्या पत्नीला म्हणजेच अंजलीला विमानतळावर पहिल्यांदा भेटला होता. त्यावेळेस सचिन वयाने फारच लहान होता.
सचिन आणि अंजलीचं प्रेम हे लव्ह अॅट फर्स्ट साईट प्रकारचं होतं. अंजली सचिनची चाहती होती.
दोघांनीही एकमेकांना पसंत केलं आणि 1995 साली ते लग्नबंधनात अडकले.
महेंद्र सिंग धोनीनेही त्याच्या चाहतीशीच लग्न केलं आहे.
साक्षी ही धोनीची चाहती होती आणि या दोघांची पहिली भेट एका हॉटेलमध्ये झाली होती.
साक्षी आणि महेंद्र सिंग धोनी हे दोघे 2010 मध्ये लग्न बंधनात अडकले.
भारताचे माजी फलंदाज मन्सूर अली खान पतौडी यांनी सुद्धा त्यांच्या चाहतीशीच लग्न केलं. मात्र ही चाहती जरा खास होती.
अभिनेत्री शर्मिला टागोर या पतौडी यांच्या चाहत्या होत्या. हे दोघेही नंतर प्रेमात पडले आणि त्यांनी 1968 साली लग्न केलं.