दक्षिण आफ्रिकेचा क्रिकेटर ल्सूस डु प्लॉयने ऐतिहासिक कामगिरी केली आहे. ल्यूसने युरोपिअन क्रिकेट चॅम्पिअनशिपमध्ये त्याने फक्त 25 चेंडूत शतक ठोकलं.
डु प्लॉयने फक्त 39 चेंडूत नाबाद 162 धावा केल्या. यामध्ये 23 षटकार आणि 4 चौकार होते.
डु प्लॉयने केलेल्या जबरदस्त फलंदाजीच्या आधारे हंगरीने 10 ओव्हर्समध्ये एक विकेट गमावत 220 धावा ठोकल्या. तुर्की 7 विकेट गमावत फक्त 89 धावा करु शकला.
28 वर्षीय डु प्लॉयने ख्रिस गेलचा रेकॉर्ड मोडला आहे.
ख्रिल गेलने आयपीएल 2013 मध्ये पुणे वॉरिअर्सविरोधात 30 चेंडूत शतक ठोकलं होतं. तो टी-20 सामना होता.
दक्षिण आफ्रिकेत जन्म झालेल्या डु प्लॉयने 102 फर्स्ट क्लास सामन्यांमध्ये 47.31 च्या सरासरीने 6624 धावा केल्या आहेत. यामध्ये 19 शतकं आणि 33 अर्धशतकं आहेत.
तसंच 50 लिस्ट-ए सामन्यांमध्ये या क्रिकेटरच्या नावे 54.10 च्या सरासरीने 2002 धावा नोंद आहेत. टी-20 क्रिकेटमध्ये डु प्लॉयने 2698 धावा केल्या आहेत.
दक्षिण आफ्रिका किंवा इंग्लंडसाठी आंतरराष्ट्रीय क्रिकेट खेळण्याचं डु प्लॉयचं स्वप्न आहे. डु प्लॉय काऊंटी क्रिकेटसाठी मिडिलसेक्सकडून पुढील हंगामात खेळणार आहे.