साऊदी प्रो लीग फुटबॉल स्पर्धेत अल नासर संघाकडून खेळताना रोनाल्डोने अश्लील हावभाव केले. यामुळे त्याच्यावर कारवाई करण्यात आली आहे.
रोनाल्डोच्या अल नासर संघाने अल शबाब संघाला 3-2 असं पराभूत केलं. सामन्यानंतर रोनाल्डोने अल शबाबच्या समर्थकांसमोर अश्लील हावभाव केले.
सामन्यावेळी अल शबाब संघाचे समर्थक अर्जेंटिनचा दिग्गज फुटबॉलर लियोनेल मेस्सीच्या नावाने मेस्सी-मेस्सी नारे देत होते.
रोनाल्डोने केलेल्या कृत्याची साऊदी अरब फुटबॉल महासंघाने गंभीर दखल घेत त्याच्या निलंबनाची घोषणा केली. अल नासर संघाचा पुढचा सामना अल हजम संघाशी होणार आहे.
रीयल माद्रीद आणि मॅंचेस्टर यूनायटेडचा माजी स्टार रोनाल्डोला पाच हजार डॉलर अल शबाब आणि महासंघाला द्यावे लागणार आहेत.
विशेष म्हणजे रोनाल्डोला किंवा त्याच्या अल नासर संघाला महासंघाच्या निर्णयाविरोधात अपील करता येणार नाही. रोनाल्डोला एक सामन्याच्या बंदीचं पालन करावं लागणार आहे.