रोहित शर्माच्या खांद्यावरचा तिसरा हात कोणाचा?

टीम इंडियाला टी20 वर्ल्ड कप जिंकून दिल्यानंतर रोहित शर्माबरोबर फोटो काढण्यासाठी प्रत्येक जण उत्सुक आहे.

अनेक चाहत्यांनी रोहित शर्माबरोबर फोटो काढलाय, आणि आपल्या सोशल अकाऊंटवर रोहितबरोबरचे फोटो शेअरही केलेत.

पण रोहित शर्माचा एक फोटो सध्या सर्वांना हैराण करतोय. या फोटोत एक चाहता रोहिततच्या खांद्यावर हात ठेऊन फोटो काढतोय. पण रोहितच्या दुसऱ्या खांद्यावर तिसरा हातही दिसतोय.

रोहितच्या खांद्यावर तिसरा हात कोणाचा यावरुन सोशल मीडियावर बरीच चर्चा रंगली आहे.

सोशल मिडिया एक्सवर एका चाणाक्ष युजरने मात्र या फोटोमागचं सत्य समोर आणलं आहे. हा फोटो एडिटेड आहे.

ज्या व्यक्तीने हा फोटो शेअर केला आहे त्या व्यक्तीने जेमिनी AI तंत्रज्ञानाच्या मदतीने हा फोटो एडिट केला आहे.

पण फोटो एडिट करताना त्याने रोहित शर्माच्या उजव्या खांद्यावरचा तिसरा हात काढला नाही. इथेच युजर्सने त्याला पकडलं आहे.