भारत आणि पाकिस्तान यांच्यात झालेल्या सामन्यात टीम इंडियाने पाकिस्तानला 7 गडी राखून पराभव केला आहे. भारतीय संघाने फक्त 30 ओव्हरमध्ये 192 धावांचं आव्हान पूर्ण केलं.
भारताकडून कॅप्टन रोहित शर्माने 86 धावांची धुंवाधार खेळी केली तर विराट कोहली अन् श्रेयस अय्यरने त्याला साथ दिली.
सामन्यानंतर दोन्ही देशाच्या खेळाडूंमधील प्रेम दिसून आलं. सामना झाल्यानंतर विराट कोहली अन् बाबर आझम यांनी भेट घेतली.
भेटीवेळी विराट कोहलीने बाबरला त्याचा साईन केलेली जर्सी गिफ्ट केली. उद्या म्हणजेच 15 ऑक्टोबरला बर्थडे असलेल्या बाबरसाठी हे बर्थडे गिफ्टपेक्षा छोटी गोष्ट नव्हती.
सामना झाल्यानंतर दोन्ही खेळाडूंनी चर्चा केली अन् आगामी सामन्यासाठी शुभेच्छा दिल्या.
आजच्या सामन्यात कॅप्टन बाबर आझमने दमदार अर्धशतक ठोकलं. पाकिस्तानकडून बाबरच्या बॅटमधून निघालेलं एकमेव अर्धशतक होतं.