प्रभू श्रीराम हे सर्वव्यापी आहेत. मॉरिशस, इस्रायलसह अनेक मुस्लिम देशांमध्येही भगवान रामाची पूजा केली जाते. अनेक देशांमध्ये असे पुरावे सापडले आहेत जे सिद्ध करतात की हजारो वर्षांपासून भगवान रामाची पूजा केली जात आहे.
उत्तर प्रदेशच्या संस्कृती विभागाच्या अयोध्या संशोधन संस्थेने आपल्या रामायण विश्वमहाक्षाच्या एका भागात इराकमध्ये सापडलेल्या काही मूर्तींची छायाचित्रे प्रकाशित केली आहेत.
दरबंद-ए-बेलुला खडकात सापडलेली भित्तिचित्रे भगवान रामाची असल्याचा दावा अयोध्या संशोधन संस्थेने केला आहे. इराकमधील सिलेमनिया भागातील बैनुला बायपासजवळ उत्खननात राम आणि हनुमानाच्या दुर्मिळ मूर्ती सापडल्या आहेत.
इराक सरकारने या प्रकरणी भारत सरकारने मागवलेल्या माहितीच्या उत्तरात पत्र लिहून याची पुष्टी केली आहे. तर या मूर्ती सुमारे चार हजार वर्षे जुन्या असल्याचा दावा इराक सरकारच्या पुरातत्व विभागाने केला आहे.
इटलीतल्या एट्रस्कॅन संस्कृतीच्या चित्रांमध्ये राम लक्ष्मण, सीता, लवकुश, हनुमान यांचा समावेश आहे. यातील बरीच चित्रे ही रामायणाच्या कथेसोबत जुळतात.
इस्रायलमध्ये रामल्लाह आणि रामथीएल नावाची ठिकाणे आहेत. तर इराण, इराक, सीरिया आणि लेबनॉनमध्ये पुरुषांची नावे रामेशे अशी देखील आहेत.
जानकी मंदिर हे जनकपूर, नेपाळमधील एक प्राचीन आणि ऐतिहासिक ठिकाण आहे. हे मंदिर हिंदू-राजपूत वास्तुकलेवर आधारित आहे. नेपाळमधील सर्वात महत्त्वाच्या राजपूत स्थापत्य शैलीचे हे उदाहरण आहे.