வரும் மாதங்களில் அரசு, ஊழியர்களுக்கு பல நல்ல செய்திகளை அளிக்கும் என எதிர்பார்க்கப்படுகின்றது. அதில் முக்கியமானது 8வது ஊதியக்கமிஷன் ஆகும்.
2016ஆம் ஆண்டு ஏழாவது ஊதியக் குழு அமல்படுத்தப்பட்டது. தற்போது அடுத்த ஊதியக் குழு 2026ஆம் ஆண்டில் அமைக்கப்படும் என்ற கருத்து நிலவுகிறது.
ஃபிட்மென்ட் ஃபாக்டரை அதிகரிக்க வேண்டும் என்ற கோரிக்கை நீண்ட நாட்களாக ஊழியர்கள் தரப்பிலிருந்து இருந்து வருகிறது. இதற்கு இப்போது அரசாங்கம் செவி சாய்க்கலாம் என கூறப்படுகின்றது.
அரசாங்கம் ஃபிட்மென்ட் ஃபாக்டரை 2.57 மடங்கிலிருந்து நேரடியாக 3.0 மடங்கு அல்லது 3.68 மடங்காக உயரக்கூடும் என கூறப்படுகின்றது.
ஊழியர்களின் குறைந்தபட்ச ஊதியம் 44.44 சதவீதம் அதிகரிக்கலாம். தற்போது ஊழியர்கள் 2.57 ஃபிட்மென்ட் பேக்டரில் அடிப்படை சம்பளமாக ரூ.18 ஆயிரம் பெறுகின்றனர். இது 26 ஆயிரம் அல்லது அதற்கு மேல் அதிகரிக்கலாம்.
கடந்த சில நாட்களுக்கு முன்பு, ஊழியர்களின் டிஏ 4% அதிகரித்து மொத்த அகவிலைப்படி 46% ஆக அதிகரித்தது. இது ஜனவரி 2024-இல் 50% ஆகக்கூடும், பின் ஊதிய திருத்தம் இருக்கும்.
ஊதிய திருத்தம் செய்ய வேண்டுமானால், புதிய ஊதிய குழு அமைக்கப்பட வேண்டியது அவசியமாகும். ஆகையால் 8வது ஊதியக்குழுவிற்கான எதிர்பார்ப்பு அதிகரித்துள்ளது.