தற்போதுள்ள விதிகளின் படி, வங்கி சேமிப்பு கணக்கு உட்பட அனைத்து வகையான கணக்கு வகைகள் முதலீடுகள் என எதுவாக இருந்தாலும், அதில் நாமினியின் பெயரை குறிப்பிடுவது அவசியமாகும்
நாமினி பெயரை குறிப்பிடாமல் இருக்கும் நிலையில், PF கணக்கு வைத்திருப்பவர் உயிரிழக்கும் பட்சத்தில், அவரது குடும்ப உறுப்பினர்கள் நீதிமன்றத்தை அணுகி வாரிசு சான்றிதழ் பெற வேண்டியிருக்கும்.
பணியாளர்களுக்கான வைப்பு நிதியான EPF திட்டத்திலும் நாமினியை குறிப்பிடுவது அவசியமாகும். PF கணக்கு வைத்துள்ள அனைத்து வாடிக்கையாளர்களும் நாமினியை குறிப்பிடுவது கட்டாயம் என்று EPFO சமீபத்தில் உத்தரவிட்டுள்ளது.
நாமினியை குறிப்பிடாவிட்டால், உங்கள் கணக்கில் உள்ள இருப்பு விவரம் பார்ப்பது உட்பட பல்வேறு சேவைகள் நிறுத்தப்படும் என்று EPFO அமைப்பு எச்சரித்துள்ளது.
EPFO-ன் அதிகாரப்பூர்வ இணையதள பக்கத்திற்கு சென்று, நாமினி பெயரை அப்டேட் செய்யலாம் கொள்ளலாம். ஆன்லைன் மூலமாக நீங்கள் நாமினியை குறிப்பிட இ-நாமிநேஷன் முறையை கையாளலாம்.
முதலில் EPFO-ன் அதிகாரப்பூர்வ இணையதள பக்கத்திற்கு சென்று, உங்கள் UAN கணக்கு விவரம் மற்றும் கடவுச்சொல் ஆகியவற்றை குறிப்பிட்டு லாகின் செய்யவும்.
இ-நாமிநேஷன் என்ற தேர்வை தேர்ந்தெடுத்து, குடும்ப விவரத்தையும், வாரிசுதாரர் மற்றும் இதர விவரங்களை அப்டேட் செய்யவும்.