2024ஆம் ஆண்டுக்கான முதல் முழு மத்திய பட்ஜெட் இன்று தாக்கல். மத்திய நிதியமைச்சர் நிர்மலா சீதாராமன் பட்ஜெட்டை தாக்கல் செய்கிறார்.
மோடி அரசின் மூன்றாவது ஆட்சிக்காலத்தின் முதல் பட்ஜெட் இது. இதன் காரணமாக இந்த பட்ஜெட் குறித்த எதிர்பார்ப்புகளும் மிக அதிகமாக உள்ளன.
இந்த பட்ஜெட்டில் விவசாயிகளுக்கான பல வித அறிவிப்புகள் எதிர்பார்க்கப்படுகின்றன. அதன் முக்கிய எதிர்பார்ப்புகள் பற்றி இந்த பதிவில் காணலாம்.
பிரதான் மந்திரி கிசான் யோஜனா திட்டத்தின் கீழ் விவசாயிகளுக்கு வழங்கப்படும் தொகையை அதிகரிக்க முடிவு செய்யப்படலாம் என்று எதிர்பார்க்கப்படுகிறது.
PM Kisan திட்டத்தின் தவணைத் தொகையை ரூ.6,000லிருந்து ரூ.8,000 ஆக உயர்த்துவதற்கான அறிவிப்பு வெளியாகலாம்.
கடந்த பிப்ரவரி 2019 ஆம் ஆண்டில், மத்திய அரசு விவசாய மேம்பாடு மற்றும் விவசாயிகளின் நலனுக்காக பிரதான் மந்திரி கிசான் சம்மன் நிதி யோஜனாவை அறிமுகப்படுத்தியது.
PM KISAN திட்டத்தின் கீழ், தகுதியான விவசாயிகள் நான்கு மாதங்களுக்கு ஒருமுறை ரூ.2,000 பெறுகின்றனர். நிதி நேரடியாக வங்கிக் கணக்கில் டெபாசிட் செய்யப்படுகிறது.