பிரதமர் மோடி தலைமையிலான அரசு மூன்றாவது முறையாக மத்திய பட்ஜெட்டை இன்று நாடாளுமன்றத்தில் தாக்கலாகிறது.
‘சிறிய பை’ என்பதைக் குறிக்கும் பிரெஞ்சு மொழி சொல்லான ‘போகெட்’ என்ற வார்த்தையிலிருந்து ‘பட்ஜெட்’ என்ற சொல் புழக்கத்தில் வந்துள்ளது.
சுதந்திர இந்தியாவின் முதல் பட்ஜெட்டை 1947ம் ஆண்டு நவம்பர் 26ம் தேதி அப்போதைய மத்திய நிதியமைச்சர் ஆர்.கே.சண்முகம் செட்டியார் தாக்கல் செய்தார்.
கோயம்புத்தூரில் பிறந்தவரான சண்முகம் செட்டியார், பிரதமர் ஜவஹர்லால் நேரு அமைச்சரவையில் ஓராண்டு காலம் மட்டுமே நிதியமைச்சராக இருந்தார் என்பது குறிப்பிடத்தக்கது.
1950ம் ஆண்டு வரையில் குடியரசு தலைவர் மாளிகையில் தான் பட்ஜெட் ஆவணங்கள் அச்சிடப்பட்டு வந்தது. பின்னர் தில்லி மின்டோ சாலையில் உள்ள ஒரு அச்சகத்தில் பட்ஜெட் ஆவணங்கள் அச்சடிக்கப்பட்டு வந்தன.
பின்னர் 1980ம் ஆண்டில், மத்திய நிதி அமைச்சகத்தில் அச்சு இயந்திரம் அமைக்கப்பட்டு, அங்கு அச்சிடப்படும் பழக்கம் கடைபிடிக்கப்பட்டது.
தற்போது காலை 11 மணிக்கு பட்ஜெட் தாக்கல் செய்யப்படும் பழக்கம் கடைபிடிக்கப்படுகிறது. ஆனால், சுதந்திர இந்தியாவின் முதல் பட்ஜெட் மாலை 5 மணிக்குத் தாக்கல் செய்யப்பட்டது.
பட்ஜெட் ஆவணங்களை எடுத்துச் செல்ல பாரம்பரிய முறையிலான சிவப்பு ப்ரீஃப்கேஸ் பயன்படாடை மாற்றி தேசிய சின்னத்துடன் கூடிய துணிப்பையில் வைத்து கொண்டு செல்லும் வழக்கத்தை நிதியமைச்சர் நிர்மலா சீதாராமன் 2019 ஆம் ஆண்டு அறிமுகப்படுத்தினார்.
சுதந்திர இந்தியாவில் பட்ஜெட்டை தாக்கல் செய்த முதல் பெண் பிரதமர் இந்திரா காந்தி ஆவார். இவர் பிரதமராக இருந்தபோது, நிதித்துறையை கவனித்து வந்தார்.
இந்தியாவில் 1860ம் ஆண்டு முதல் தற்போது வரை, 77 முழுமையான நிதிநிலை அறிக்கைகளும், 15 இடைக்கால நிதிநிலை அறிக்கைகளும் நாடாளுமன்றத்தில் தாக்கல் செய்யப்பட்டுள்ளன.