தீபாவளி, நவராத்திரி என எதுவாக இருந்தாலும், ஒவ்வொரு பண்டிகையிலும் பூஜை மற்றும் பண்டிகை தொடர்பான பொருட்களின் தேவை மிகவும் அதிகரிக்கிறது. இதனை பயன்படுத்திக் கொண்டு சில தொழிலைத் தொடரலாம். குறைந்த முதலீட்டில் நீங்கள் பண்டிகைக் காலத்தில் பெரும் வருமானம் ஈட்டலாம்
இந்தியா திருவிழாக்கள் நிறைந்த நாடு. தற்போது, நவராத்திரி, தீபாவளி, கார்த்திகை போன்ற பண்டிகைகள் வருகின்றன. இந்த காலகட்டத்தில், குறிப்பிட்ட சில வணிகம் இரண்டு மாதங்களில் உங்களுக்கு பம்பர் லாபத்தைக் கொண்டுவரும்.
நவராத்திரியின் போது மட்டுமின்றி பூஜை பொருட்களுக்கான தேவை எப்போதும் இருந்து கொண்டே இருக்கும். குங்குமம், விபூதி, தூபம், தீபம், ஊதுபத்தி, கற்பூரம் மற்றும் பிற பொருட்களை விற்பனை செய்யும் பிஸினஸை தொடங்க, நீங்கள் ரூ. 5000- ரூ.7000 முதலீடு செய்ய வேண்டும்.
நவராத்திரியில், கொலு பொம்மைகள் வியாபாரமும் முழு வீச்சில் இயங்கும். மண் அல்லது காகித கூழ்கள் மற்றும் பிற பொருட்களால் செய்யப்பட்ட கொலு பொம்மைகள் விற்று சம்பாதிக்கலாம்.
தீபத் திருநாளில் அகல் விளக்குகளுக்கு சிறப்பு முக்கியத்துவம் உண்டு. விளக்குகளை குயவர்கள் மூலம் நேரிடையாக கொள்முதல் செய்து, வித்தியாசமான முறையில் வடிவமைக்கலாம். இப்போதெல்லாம், டிசைனர் விளக்குகளுக்கும் அதிக தேவை உள்ளது.
தீபாவளி பண்டிகையையொட்டி, வீடு, கடை அல்லது அரசு கட்டிடம் என அனைத்தும் வண்ணமயமான மின்விளக்குகளால் அலங்கரிக்கப்படும். அலங்கார விளக்குகளின் வியாபாரத்தை சிறிய அளவில் தொடங்கலாம். மொத்த சந்தையில் வாங்கி உங்கள் அருகிலுள்ள சந்தையில் சில்லறை விற்பனையில் விற்கலாம்.
தீபாவளி வரை இந்த அலங்காரப் பொருட்களுக்கு நல்ல கிராக்கி உள்ளது. இந்த அலங்காரப் பொருட்களை உங்களது படைப்பாற்றல் மூலம் நீங்களே தயார் செய்யலாம் அல்லது மொத்த சந்தையில் இருந்து வாங்கி சில்லறை விற்பனை செய்து நல்ல லாபம் சம்பாதிக்கலாம்.