கார் என்பது ஆடம்பரம் என்று கருதப்பட்ட காலம் போய் இன்றியமையாத ஒன்றாக கார் மாறியுள்ளது. எனினும் கார் வாங்குவது என்பது தங்க வாங்குவதை போல் முதலீடு அல்ல. அதன் மதிப்பு குறையுமே தவிர கூடாது.
கார் வாங்குவதற்கு முன்பு என்ன விலையில் கார் வாங்கினால் நமக்கு கடனை திரும்ப செலுத்த முடியும், என சிந்தித்து காருக்கான கடனுக்கு விண்ணப்பிப்பதே சிறந்தது.
பல வங்கிகள் மற்றும் NBFC நிதி நிறுவனங்கள் மூலம் கார் கடன் 8.5% முதல் 9% வரையான வட்டி விகிதத்தில் கிடைக்கிறது
கார் கடன் தொகைக்கு ஏற்ப வட்டி விகிதம் மாறுபடும். மேலும் சிறப்பான சிபில் ஸ்கோர் உள்ளவர்களுக்கு குறைந்த வட்டியில் கடன் கிடைக்க வாய்ப்பு உண்டு.
கார் கடனை எவ்வளவு ஆண்டுகளில் திரும்ப செலுத்துவீர்கள் என்பதை முன்கூட்டியே கணக்கிடுவது அவசியம்.
கடனை திரும்ப செலுத்தும் கால அளவை பொறுத்து கடனுக்கான வட்டி விகிதம், EMI ஆகியவை இருக்கும்.
காரில் அதிகம் பயன்படுத்தும் போது, அதன் பராமரிப்பு அதிகம் இருக்கும். அதே போன்று தேய்மானம் மற்றும் மறுவிற்பனை மதிப்பும் குறைவாகவே இருக்கும்.