விதிமுறைகளை மீறிய paytm பேமெண்ட் வங்கி மீது ரிசர்வ் வங்கி விதித்த தடை தொடர்பான காலக்கெடு மார்ச் 15ஆம் தேதி வரை நீட்டிக்கப்பட்டுள்ளது.
Paytm வாடிக்கையாளர்கள் மார்ச் 15ஆம் தேதிக்கு முன் செய்ய வேண்டியது என்ன என்பதை அறிந்து கொள்ளலாம்.
பேடிஎம் பேமெண்ட்ஸ் வங்கி சேமிப்பு கணக்கு அல்லது நடப்பு கணக்கு உள்ள வாடிக்கையாளர்கள், மார்ச் 15ஆம் தேதிக்குப் பிறகும், தங்கள் கணக்கில் இருக்கும் பணத்தை பயன்படுத்தலாம்.
ஆனால் மார்ச் 15 ஆம் தேதிக்கு பிறகு, தங்களின் சேமிப்பு கணக்கு அல்லது நடப்பு கணக்குகளில் பணத்தை டெபாசிட் செய்ய இயலாது.
FASTag வசதியை பயன்படுத்தும் வாடிக்கையாளர்கள், நிலுவைத் தொகை இருக்கும் வரை கட்டணத்தை செலுத்தலாம். ஆனால் டாப் அப் அல்லது ரீசார்ஜ் செய்ய இயலாது.
பேடிஎம் பேமென்ட் வங்கி மூலம், கட்டணங்கள் ஏதேனும் செலுத்த விரும்புபவர்கள், மார்ச் 15 ஆம் தேதிக்குப் பிறகும் செய்யலாம். ஆனால் டெபாசிட் செய்ய இயலாது.
பேடிஎம் QR குறியீடு, பேடிஎம் சவுண்ட் பாக்ஸ், பேடிஎம் POS ஆகிய சேவைகள் மார்ச் 15 க்கு பிறகு கிடைக்கும்