வெந்தயத்தை ஊற வைத்து அதன் நீரை குடித்து வந்தால், அதனால் உடலுக்கு ஏராளமான நன்மைகள் கிடைக்கும். அந்த நன்மைகளை பற்றி இங்கே காணலாம்.
உடல் எடையைக் குறைக்க நினைப்பவர்கள், காலையில் வெறும் வயிற்றில் வெந்தயத் தண்ணீரை உட்கொள்ளலாம். இந்த நீரை உட்கொள்வதால் உடலில் சேரும் கூடுதல் கொழுப்பு வெளியேறுகிறது.
தாய்ப்பால் கொடுக்கும் தாய்மார்கள் வெந்தய நீர் குடிப்பதால் பால் சுரக்கும் திறன் அதிகரிக்கும்
வெந்தய நீரை காலையில் வெறும் வயிற்றில் குடித்து வந்தால், மலச்சிக்கல் பிரச்சனையில் இருந்தும் விடுபடலாம். மேலும், அஜீரணம், வாயுத்தொல்லை ஆகிய பிரச்சனைகளையும் இது போக்குகிறது.
நார்ச்சத்து, புரதம், மாவுச்சத்து, சர்க்கரை, பாஸ்பாரிக் அமிலம் போன்ற சத்துக்கள் அதிகம் இருக்கும் வெந்தய நீரை காலையில் குடித்து வந்தால், நாள் முழுதும் இரத்த சர்க்கரை அளவை கட்டுக்குள் வைக்க முடியும்.
வெந்தயத்தில் உள்ள பண்புகள் உடலில் சேரும் கெட்ட கொலஸ்ட்ராலை கரைக்க உதவுகின்றது. இது இதய ஆரோக்கியத்தையும் மேம்படுத்துகின்றது.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெறவும். ஜீ மீடியா இந்த தகவல்களை உறுதிப்படுத்தவில்லை.