யூரிக் அமிலம் என்பது இரத்தத்தில் காணப்படும் கழிவு பொருள். ப்யூரின்கள் எனப்படும் இராசயனங்களை உடைக்கும் போது யூரிக் அமிலம் உருவாகிறது.
உடலில் யூரிக் அமிலம் நீண்ட நாட்களுக்கு கட்டுப்படுத்தப்படாமல் இருந்தால், ஹைப்பர்யூரிசிமியா என்னும் நிலை உண்டாகலாம். இவை மூட்டுகளில் படிந்து கீல்வாதத்தை உண்டு செய்யலாம். சிறுநீரகத்தில் கற்களையும் உருவாக்கலாம்.
உடலில் யூரிக் அமிலத்தின் அளவு அதிகரிப்பதால் மூட்டு வலி, நிற்பதில் சிரமம், விரல்களில் வீக்கம், மூட்டுகளில் வீக்கம் மற்றும் கால் மற்றும் விரல்களில் கூச்ச உணர்வு, சோர்வு ஆகியவை ஏற்படுகின்றன.
ப்யூரின் அளவை குறைக்க செய்யும் உணவுகள் எடுத்துக் கொள்வது யூரிக் அமில பிரச்சனைக்கு தீர்வைத் தரும். அதோடு, ப்யூரின் அதிகம் உள்ள இறைச்சி, பீன்ஸ், ஆல்கஹால் போன்றவறை தவிர்க்க வேண்டும்.
ப்யூரின் அளவை குறைக்க செய்யும் நீர்ப்பழங்களான ஆரஞ்சு, சாத்துக்குடி, தர்பூசணி போன்ற நீர்ச்சத்து நிறைந்த பழங்கள் சிறந்த பலன் தரும்.
மஞ்சளில் முக்கிய உயிரியக்க கலவையான 'குர்குமின்' பல்வேறு சிகிச்சைக்கு ஆதாரமாக உள்ள நிலையில் மஞ்சள் நீர் யூரிக் அமில அளவையும் குறைக்கிறது என்று ஆராய்ச்சிகள் தெரிவிக்கின்றன.
ஆலிவ் எண்ணெய் இதயத்தின் ஆரோக்கியத்திற்கு மட்டுமல்ல, யூரிக் அமிலம் அளவையும் குறைக்கும். ஆலிவ் எண்ணெயை உணவில் சேர்த்துக் கொள்வதன் மூலம் யூரிக் அமிலம் இயற்கையாகவே குறையும்
காய்கறிகளில் பூசணிக்காய், புடலங்காய், பீர்க்கங்காய், செள செள, வெண்டைக்காய், சுரைக்காய் போன்றவற்றை எடுத்துகொள்ளவதும் யூரிக் அமில அளவைக் குறைக்கும்.
உடலில் நீர்ச்சத்து குறைந்தாலும் உடலில் யூரிக் அமிலம் அதிகரிக்க செய்யலாம். தண்ணீர் குறைவாக குடிக்கும் போது யூரிக் அமிலம் அதிகரிக்கலாம். எனவே தண்ணீர் அதிகம் குடிக்க வேண்டும்.
குறைந்த கொழுப்புள்ள பால், தயிர், ரொட்டி, பாஸ்தா, உருளைக்கிழங்கு மற்றும் தானியங்கள் போன்றவற்றில் ப்யூரின்கள் குறைவாக உள்ளன.
வாதுமை பருப்புகள் ஒரு சூப்பர்ஃபுட் என அழைக்கப்படுகின்றன. ஏனெனில் இதில் ஆன்டிஆக்ஸிடன்ட்கள் உள்ளன. இவை உடலில் இருந்து யூரிக் அமிலத்தை வெளியேற்ற உதவுகிறது.
பாதாம் ஆரோக்கியத்திற்கு மிகவும் நன்மை பயக்கும். மூளையை கூர்மைப்படுத்துவதோடு, யூரிக் அமில அளவைக் குறைக்க பெரிதும் உதவுகிறது.
ஏசல்நட்ஸ்களில் போதுமான அளவு செலினியம் உள்ளது. இது யூரிக் அமிலத்தைக் கட்டுப்படுத்த உதவுகிறது.
ஆளி விதைகளில் அத்தியாவசிய கொழுப்பு அமிலங்கள் நிறைந்துள்ள நிலையில், இதனை உட்கொண்டால், யூரிக் அமிலத்தை கட்டுப்படுத்தலாம்.