உப்பு இல்லாத பண்டம் குப்பையிலே என்பது பழமொழி. ஆனால், உப்பு மிதமிஞ்சினால் உயிருக்கே ஆபத்தை தரும்.

அதிக அளவிலான சர்க்கரை கேடு என்பதை அறிந்திருக்கும் பலருக்கு சத்தமில்லாமல் உயிரை கொல்லும் உப்பின் ஆபத்து குறித்து தெரிவதில்லை.

உப்பின் அளவு அதிகரிக்கும் போது இரத்த ஓட்டத்தின் வேகம் அதிகரிக்கிறது. இதனால் உயர் இரத்த அழுத்த பிரச்சனைக்கு வழிவகுக்கும்

அதிக உப்பை உட்கொள்வதால், சிறுநீரகங்கள் உடலில் இருந்து திரவங்களை வெளியேற்றுவது கடினமாகி சிறுநீரக பிரச்சனைகள் உண்டாகிறது.

உடலில் உப்பு கூடும் போது கால்சியம் இயல்பாகவே குறையும். அதிக அளவு உப்பு கால்ஷியத்தை உறிஞ்சி விடும்.

அதிக உப்பினால், எலும்புகள் வலுவிழந்து, மூட்டு வலி, ஆஸ்டியோபோரோஸிஸ் போன்ற நோய்கள் தாக்கும் அபாயம் உள்ளது.

உணவில் அதிக உப்பை உட்கொள்வது உடல் பருமனை அதிகரிக்கிறது. உப்பை அதிகமாக உட்கொள்வது உடலில் கலோரிகளை அதிகரிக்கிறது.

அதிக உப்பு உடல் கொழுப்பை அதிகரிக்கிறது. உப்பு அதிகமாக உட்கொள்வதால் இரைப்பைக் கட்டிகளும் ஏற்படலாம்.

ஆரோக்கியமான ஒரு மனிதனுக்கு தினமும் 2. 3 கிராம் அளவு உப்பு போதுமானது. தினமும் 5 கிராமுக்கு மேல் உப்பைப் பயன்படுத்தக்கூடாது.

ஊறுகாய், வத்தல் போன்ற அதிக உப்பு உள்ள பண்டங்களை குறைத்து குறைவான உப்பை சேர்த்து கொள்வதை பழக்கிக் கொள்ள வேண்டும்.